थप ६०९ जना संक्रमण मुक्त , कुल संख्या १२,४७७ पुग्यो

काठमाडौं । पछिल्लो २४ घण्टामा थप ६०९ जना कोरोना संक्रमणमुक्त भएका छन् । योसँगै नेपालमा कोरोना संक्रमण मुक्त हुनेको संख्या हालसम्म १२ हजार ४७७ पुगेको छ ।

आज सोमबार नियमित प्रेस ब्रिफिङका क्रममा स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सो जानकारी दिएका हुन् ।

संक्रमितहरु देशका विभिन्न स्थानका अस्पतालबाट संक्रमणमुक्त भएको डा. गौतमले जानकारी दिएका हुन् ।