दार्चुला । महाकाली नगरपालिका–२ बडालीगाउँ नजिक गएको सुख्खा पहिरोमा पुरिएका नौगाड गाउँपालिका २ तल्लो सुण्डमुण्डका ६ वर्षीय जेनिस ठगुन्ना अहिले सम्म फेला पर्न सकेका छैनन् । शुक्रवार दिउँसो ४ बजेतिर सडकमाथिबाट खसेको पहिरोमा परि जेनिस बेपत्ता भएका थिए ।
घटना घटे लगत्तै खोजी कार्य जारी रहेपनि अहिले सम्म उनी फेला पर्न नसकेको सशस्त्र प्रहरी बल नेपाल नम्बर ५० गुल्म हेडक्वाटर दार्चुलाका गुल्मपति डम्बर बहादुर विष्टले जानकारी दिए । अहिले राती परेकाले भोली विहानैबाट खोजी कार्य थालिने उनले बताए । घटना भएको खबर पाउनासाथ सशस्त्र प्रहरी, नेपाल प्रहरीको टोली घटनास्थल पुगेको थियो । सडकमाथिबाट खसेको सुख्खा पहिरोले सडक पुरै ध्वस्त बनाएको छ ।पहिरोमा पुरोएका बालक अझै फेला परेन्न ।
तपाईको प्रतिक्रिया