काठमाडौं । जनता समाजवादी पार्टी (जसपा) अध्यक्ष उपेन्द्र यादव सप्तरी २ बाट प्रतिनिधिसभा सदस्य उम्मेदवार छन् ।
सप्तरी २ मा उनका प्रतिस्पर्धी युवामाझ लोकप्रिय जनमत पार्टीका अध्यक्ष सीके राउत र यस क्षेत्रमा ठूलो जनमत भएका लोसपाका वरिष्ठ नेता एवं प्रख्यात विकासवादी अगुवा जयप्रकाश ठाकुर उम्मेदवार छन् ।
प्रारम्भिक मत सर्वेक्षणमा यहाँ जयप्रकाश ठाकुर १० हजार मतान्तरले जित्ने देखिएको छ । ठाकुरको पक्षमा माहोल बढिरहेका बेला उपेन्द्रले फुटाउ र राज गरको नीति लिएका छन् ।
कुनै बेला मधेस मुक्तिका लागि लडेका उपेन्द्र सत्ता र शक्तिको पछि लाग्दा मुस्किलमा छन् । त्यसमाथि मधेस विरोधी शक्तिसँगको साँठगाँठले उनको पार्टी नै संकट छ । आफै डेन्जर जोनमा रहेका हरहालमा जित्न अनेक हत्कण्डा अपनाइरहेका छन् ।
यसैक्रममा उनले ठाकुरलाई जाने मतलाई विभाजन गर्ने र आफू जित्ने रणनीति अख्तियार गरेका छन् । यसका लागि उपेन्द्रले जसपाका नेता शम्भु झा, मनिष सुमनलगायत नेता कार्यकर्तालाई परिचालन गरेका छन् ।
‘जयप्रकाश ठाकुर जित्ने भएपछि उपेन्द्रले आफ्ना नेता कार्यकर्ता परिचालन गरेर सीके राउतलाई मत दिन भन्दै हिँडेका छन् । उपेन्द्र मन पर्दैन भने सीके राउतलाई देउ भनेर भनिरहेका छन् । सीके राउत जित्ने उम्मेदवार हो, जयप्रकाश ठाकुरले जित्दैन भनेर सप्तरी २ मा उपेन्द्रले यो खेल सुरु गरेका छन्,’ सप्तरी २ का एक मतदाताले भने ।
यसमा जसपाका कार्यकर्ताकाअनुसार नेता झा र सुमनलगायत नेता कार्यकर्ता यो खेलमा सहभागी भएका छन् । जयप्रकाश १० हजार मतान्तरले जित्ने आकलन उपेन्द्रले पाएपछि उनलाई भोट दिन नचाहने समुदायमा जयप्रकाशलाई भोट नदिन र सीके राउतलाई दिन लबिइङ गराइरहेका छन् ।
जयप्रकाश ठाकुरको भोट काटेर सीके राउतकोमा ट्रान्सफर गर्ने र आफू जित्ने उपेन्द्र रणनीति रहेको छ । तर यो रणनीतिबारे जानकार ठाकुरले सफल हुन नदिने बताइसकेका छन् ।
तपाईको प्रतिक्रिया