घर माथि पहिरो खस्दा दम्पती बेपत्ता !

दार्चुला । दुहु गाउँपालिकाको वडा नं ३ को सल्लिमा मंगलबार बिहान करिब ५ बजे तिर घर माथिबाट पहिरो खस्दा एक परिवारका दम्पती बेपत्ता भएका छन् ।

बेपत्ता हुनेमा सल्लीका ५० बर्षिय राम दत्त जोशी र  श्रीमती ४५ बर्षिय इन्द्रा जोशी रहेका छन्  । उहाँका २१ बर्षिय छोरा सुनिल जोशी भने भागेर बाच्न सफल भएका छन् ।

सुनेलले पहिरो जाना साथ प्रहरीलाई जानकारी दिए पछि घटनास्थलमा व्रह्मदेब प्रहरी चौकीबाट नजिक रहेकाले प्रहरी टोली विहानै घटनास्थलमा पुगेर उद्धार कार्य गरिरहेको र जिल्ला प्रहरी कार्यालय दार्चुलाबाट प्रहरी निरिक्षकको नेतृत्वमा टोली विहान ६ बजे घटना स्थलतर्फ गएको जिल्ला प्रहरी कार्यालय दार्चुलाका प्रहरी निरिक्षक एबं सूचना अधिकारी सुरेन्द्र प्रसाद जोशीले जानकारी दिए ।

२ तले टिनको छत भएको घरमा पहिरो खस्दा १ भैसि र ४ बाख्रा पनि पुरीएका छन् । विहानै घटनास्थलमा पुगेर जनप्रतिनिधी, प्रहरी र स्थानियहरु उद्धार कार्य गरिरहेका छन । सो क्षेत्रमा अन्य घरहरू पनि जोखिममा रहेका छन् । थप विवरण आउन बाकी रहेको छ ।