काठमाडौं । नेपाली राजनीतिको परिस्थिति आज फेरिएको छ । ४ मंसिरको चुनावबाट प्राप्त म्यान्डेट १० पुसमा अचानक निमोठिएको राजनीतिक परिस्थिति करेक्सनको बाटोमा अघि बढेको छ ।
एमालेको चक्रब्यूहमा अपहरण भएको जनमत ट्रयाकमा आएको छ । ८ दलीय गठबन्धन बनेको छ । कांग्रेसका रामचन्द्र पौडेल साझा उम्मेदवार बनेका छन् । पक्कै पनि यी परिस्थिति ल्याउन कांग्रेस सभापति शेरबहादुर देउवादेखि पदाधिकारीको महत्त्वपूर्ण कसरत छ । तै पनि कांग्रेसका एक युवा नेताले आफ्नै तहबाट छुट्टै पहल गरेका थिए । त्यसको हरेक अपडेट उनले सामाजिक सञ्जाल फेसबुकमार्फत पनि गराइरहे । पुस १० को अप्रत्याशित वामपन्थी सहमति पछि सिंगो कांग्रेसलाई नै झट्का लागेको थियो ।
स्वभाविक रुपमा युवा नेता विकाशकुमार ठाकुरलाई पनि आघात पुग्यो । देशमा विकास र सुशासन ल्याउन कांग्रेस नेतृत्वमा बलियो सरकार बन्ने र शान्ति प्रक्रियाका बाँकी पूरा गर्ने अपेक्षा लिएर बसिरहेका ठाकुरका लागि १० पुस एकदमै अनपेक्षित थियो । अनपेक्षित कदममा आवेगका रुपमा लिनेभन्दा पनि धेर्यताका साथ रणनीति बनाउने र नेताहरुलाई घच्घच्याउने काममा युवा नेता ठाकुर खटिएका थिए । उनले प्रभावशाली नेता बालकृष्ण खाणदेखि थुप्रै शीर्ष नेताहरुलाई घच्घच्याउने तथा रणनीति मुभका लागि सल्लाह सुझाव दिने र सक्रिय गराउन भूमिका खेले । २६ पुसमा प्रधानमन्त्री पुष्पकमल दाहाल प्रचण्डलाई विश्वासको मत दिने सभापति शेरबहादुर देउवाको जोखिमपूर्ण निर्णयपछि ठाकुरले जनमतअनुसारको गठबन्धन ब्युँताउन दौडधुपमा लागेका थिए । सभामुख र उपसभामुखको निर्वाचनमा उम्मेदवार खडा गर्ने, राष्ट्रियसभा उपाध्यक्षमा उम्मेदवारी नदिने ठाकुरसमेत सम्मिलित रणनीतिकै परिणाम थियो ।
राष्ट्रपति कांग्रेसको पोल्टामा पार्न पार्टी पदाधिकारीजस्तै ठाकुरले आफ्नो तहबाट पहल थालेका थिए । प्रचण्ड चुनावकै जनादेशमा फर्किने वातावरण बनाउन उनले प्रत्यक्ष र अप्रत्यक्ष भूमिका खेले । रणनीतिअनुसार ठाकुरले अघिल्लो शनिबार नै ७२ घण्टाभित्र कोर्स करेक्सन हुने घोषणा गरेका थिए । नभन्दै ८ दलीय गठबन्धन बन्यो । राष्ट्रपतिमा कांग्रेसका रामचन्द्र पौडेल निश्चित भइसकेका छन् । एमाले अध्यक्ष केपी शर्मा ओलीले बालकोट बसेर प्रारम्भ गरेको चक्रब्यूहको अन्त्य गरेपछि ठाकुरले भनेका छन्, ‘पुस १० मा हाम्रो ‘ओभर कण्फिडेन्स’ र ओलीको धोका एवम् वेईमानीका कारण सत्ताविहीन हुन पुगेको कांग्रेसले पुस २६ मा ‘घरमे घुसके मारेंगे’ रणनीतिका साथ प्रधानमन्त्रीलाई विश्वासको मत दिएको थियो । पुस २६ बाट फाल्गुण १३ आईपुग्दा नतिजा सबैको सामुन्ने छ । राजनितीमा धोका र बेईमानीका साथ होईन् रणनितीका साथ काम गर्ने नेता हुन् शेर बहादुर देउवा ।’
तपाईको प्रतिक्रिया