बेलका नगरपालिकामा भ्रष्टाचारको बिरोध गर्ने प्रदर्शनकारीमाथि दमन

उदयपुर ।  उदयपुरको बेलका नगरपालिकामा भ्रष्टाचार बिरोधी नेपाल कम्युनिष्ट पार्टी, नेपाली काग्रेस, जनता समाजबादी पार्टी जन समावादबादी पार्टी, लगायत ६ दलको संयुक्त आन्दोलन जारी रहेको छ ।

आइतबार  प्रदर्शनकासाथ बिरोध सभा गर्ने क्रममा नगरपालिकामा तालाबन्दी गर्न जाँदा प्रहरी र प्रदर्शनकारीका बीच झडप गराइएको छ । त्यसमा परेर प्रदर्शनकारीहरु १० जना र प्रहरी तर्फ एकना घाइते भएको जनाइएको छ भने  घाइतेहरुको स्थानीय स्वास्थयचौकीमा उपचार भएको बताइएको छ ।

बिरोध प्रदर्शनमा बोल्दै नेपाल कम्युनिष्ट पार्टीका केन्द्रिय सदस्य बेलका नगरमालिका जहडा निबासी गणेश खड्काले उपमेयर राजकुमारी चौधरीले नै नगरमालिकामा भ्रष्टाचार भइरहेको, कारबाहीको कुरा गर्दा मेयरले नसुनको पंखा किन्ने सानो कुरादेखि ठूल्ठूला सामान खरिद गर्दा भ्रष्टाचार गरिएको र आफुले राजीनामा दिने कुरा फेसबुकमा लेखेको तर पछि सत्ताधारी पार्टीको बैठले त्यो उनको भनाइ फिर्ता गर्न दबाब दिएपछि अहिले उपमेयरले कुरा फेर्न खोजेको कुरा उल्लेख गर्दै जनताको बजेट र कर हिनामिना गर्ने कसैलाई जनताले छोड्ने छैनन् । सर्बदलीय समिति बनाएर यथार्थ के हो छानबिन गर भनेर शान्तिपूर्ण आन्दोलन गर्दा जनतामाथि दमन गर्ने ? भन्ने प्रश्न उठाउँदै त्यसको जोडदार बिरोध गरे । खड्काले आज भ्रष्टार बेलका नगरपालिकाकम  मात्रै होइन देशैभरी ब्याप्त छ । कोराना भाइरसको बिरुद्ध सामाग्री खरिद गर्दा समेत भ्रष्टाचार गर्ने निकृष्ट तत्वहरुलाई जनताले छोड्ने छैन भन्ने चेतावनी दिएका थिए ।

बिरोध कार्यक्रममा नेपाली काग्रेसका अशोक कार्की, जसपाका टीकाराम थामी राप्रपाका बिनोद रायमाझी लगायत  बेलका नपामा कार्यरत सबै पार्टीका प्रतिनिधिहरुले भ्रष्टाचार गर्ने कसैलाई पनि जनताले छाड्ने छैन र शान्तिपूर्ण आन्दोलनमा दमन गर्न पाइदैन भन्ने जोडदार आवाज उठाएका थिए । यथार्थ जनसमक्ष ल्याएर दोषीलाई कारबाही नगरेसम्म आन्दोलन जारी रहने समेत उनीहरुले उद्घोष गरेका थिए ।