मुटुलाई स्वस्थ बनाउने केही प्रमाणित उपायहरु

कोहलपुर, भदौ १९,

मुटुलाई स्वस्थ बनाउने सवालमा विभिन्न तत्वको महत्वपूर्ण भूमिका हुन्छ । मुटु रोगको खतरालाई न्यून गर्ने केही प्रमाणित उपायहरु :
–धुमपानको आदत त्यागिदिनुहोस्, किनकी धुमपानको आदतले मुटु रोगीलाई झनै असर गर्छ ।

–तौल घटाउनुहोस्, मुटु रोग र अत्यधिक मोटोपनबीच पनि ठूलो सम्बन्ध रहेको छ । तौलमा हुने बृद्धिले तपाईलाई टाइप २ डायबिटिजको खतरा मात्र ल्याउदैन मुटु रोगको खतरलाई बढाउछ । यस्तो अवस्थामा ह्दयघात, उच्च रक्तचाप, सुगरको समस्या बढ्छ ।

–धेरै मात्रामा रातो मासु खानेमा मुटु रोगको खतरा २४ प्रतिशतले बढाउँछ । रातो मासुले पेटसम्बन्धी अन्य रोग पनि निम्त्याउँछ ।

–अत्यधिक नुनको सेवनले रक्तचाप बढाउने जीवनको उत्तराद्र्धतिर मुटुको खतरा बढाउँछ । वयस्कहरुले दिनमा ६ ग्राम भन्दा पनि न्यून (एक चिया चम्चा) नुन खानुपर्छ । अन्य नुनिला खानेकुरा पनि खान छोड्नुपर्छ ।

– अमेरिकाको ठूलो जनसंख्यामा गरिएको एक पछिल्लो अध्ययनमा चिनी मिसाइएको दैनिक २५ प्रतिशत भन्दा बढी दैनिक क्यालोरी खाने मानिसहरुमा मुटु रोगबाट मृत्यु हुने तीन गुणा खतरा रहेको छ । बढी चिनी खादा तौलमा बृद्धि गर्नुका साथै मधुमेयको समस्या बढाउँछ । खाना र पेयमा राखिने चिनिको मात्रा घटाउनुहोस् । दिनहुँ खाने खानेकुरामा हुने चिनिको मात्रालाई विशेष ख्याल गर्नुहोस् ।

–यदि तपाई सुस्त र अल्छी हुनुहुन्छ भने आजै देखि सक्रीय हुनुहोस । फटाफट हिड्दा, साईकल चलाउँदा वा सामान्य गतिविधिमा व्यस्त हुदा तपाईंको मुटु स्वस्थ हुन्छ । व्यायाम लगायतका शारीरिक गतिविधिबाट स्वास्थ्यमा धेरै फाइदा हुन्छ ।

–तनावले मुटुसँग विभिन्न समस्या उत्पन्न हुन्छन् । तपाईं स्वस्थ मुटु राख्न चाहानुहुन्छ भने तनाव रहित हुनुहोस् ।

नेपालगंज मेडिकल कलेज शिक्षण अस्पताल कोहलपुरद्धारा जनहितमा जारी सन्देश ।