बाढी प्रभावित क्षेत्रको निरीक्षण गर्न गएका नेता बाटोबाटै भागे

धनगढी ।  सुदूरपश्चिम प्रदेशसभाको अर्थ विकास तथा प्राकृतिक श्रोत समितिको टोली संगै कैलालीको भजनी क्षेत्रमा बाढी प्रभावित क्षेत्रको निरीक्षण गर्न गएका नेपाली कांग्रेस सुदूरपश्चिम प्रदेश संसदीय दलका नेता डा.रण बहादुर रावलविच बाटोबाटै भागे पछि हंगामा भएको छ ।

समितिको टोलीसंगै बुधबार कैला जिल्लाका हाइवे नजीकका बाढी प्रभावित क्षेत्र गौरीगंगा, घोडाघोडी नगरपालिका, बाढी प्रभावित क्षेत्र जोशीपुर गाउँपालिका र पुर्ण प्रभावित भजनी नगरपालिकाका विभिन्न क्षेत्रहरुको निरीक्षण गर्न गएका सांसद रावल झबही थारु फुडल्याण्ड बाट खना खाएर सुटुक्क गायव भए ।

अस्थायी राजधानी  धनगढीबाट विहान १० बजे गएको टोलीसंगै दिउँसो २ बजे जोशीपुर गाउँपालिकाको झबही पुगेका नेता रावल सहितको टोली पुर्ण प्रभावित क्षेत्र भजनी नगरपालिका मेयरलाई लिएर पुर्ण प्रभावित क्षेत्रमा निरीक्षण गर्ने पुर्व निर्धारित योजनालाई छलेर भागेका हुन्  ।

प्रतिपक्षी दलका नेतासहित प्रभावित क्षेत्रमा आउन लागेको कुरा सुनेर कुरेर बसेका स्थानीय अर्थ समितिको टोलीमात्र देखेर छक्क परेका थिए । प्रभावित क्षेत्रको मार्ग देखाउन भजनी नगरपालिकाका प्रमुख शेर बहादुर चौधरी र संविधान सभा सदस्य हरि श्रीपाईली सहीत प्रभावित क्षेत्रका स्थानीयहरु  भजनीमा जम्माभएका थिए  । संसदीय समितिले बाढी आएको बेला प्रत्यक्षरुपमा खटिएको स्थानीय जनप्रतिनिधि संग छलफल गर्ने कार्यक्रम तय भएको थियो ।

तर डाक्टर रावलले भने भजनी नपुगेरैे सुटुक्कै टिकापुर आफ्नो निर्वाचन क्षेत्रमा पुगेको थिए ।

स्थानीय, प्रदेश र संघ नेपाल कम्युनिष्ट पार्टी(नेकपा)ले चुनाव जितेको भन्दै त्यो क्षेत्रमा निरीक्षण गर्न नगएको उनी निकट श्रोतले बताएको छ ।

प्रमुख प्रतिपक्षी दलका नेताले जनतामाथि भेदभाव गरेको भन्दै चर्को आलोचना भएको छ । बाढीको महामारीको बेला पार्टीगत रुपमा हेरेको भन्दै प्रभावित क्षेत्रका स्थानीय आक्रोसित भएका छन् ।  रावलले सोही दिनआफ्नो निर्वाचन क्षेत्रमा मात्र निरीक्षण गरेको पाइएको छ ।

 संसदीय समितिले पत्रकारको लागि छुट्टै गाडीको व्यवस्था गरेर लगे पनि आफु अनुकुलका केही थान पत्रकार समेत बोकेर समिति विरुद्ध प्रत्याजित समाचार समेत लेख्न लगाएको समितिका एक सदस्यले बताए ।  टिकापुरस्थित भावना होटेलमा र थप  अत्तरीया स्थित एक होटलमा पत्रकारलाई जाँड खुवाएर संसदीय समिती विरुद्ध लेख्न लगाएको ति सदस्यले जनाए ।