देखेर पनि चिन्न नसकिएको अर्पण थापाको प्रतिभा

अर्पण थापा नेपाली चलचित्र क्षेत्रमा प्रतिभाशाली अभिनेता, निर्देशक एंव लेखक हुन् । अभिनयको क्रममा आफ्नो भुमिकामा निक्कै  जिवन्त अभिनय गर्ने अर्पणको फ्यानहरु समेत धेरै छन् । अर्पणको अभिनयको चर्चा त छदैछ, उनको लुक्सको पनि त्यतिकै चर्चा हुने गर्दछ ।

धेरैजसो खलनायकको भुमिका गर्न मनपराउने अभिनेता अर्पणले नायकमा पनि राम्रै अभिनय गरेका छन् । पछिल्लो समय कमेडी क्षेत्रमा गरेको उनको अभनिय झन प्रशसनीय छ ।उनी सबै किसिमका अभिनयमा आफ्नो प्रतिभा प्रस्फुटन गर्नमा योग्य छन्  भन्दा फरक नपर्ला ।

चलचित्र क्षेत्रमा एकपछि अर्को नयाँ प्रतिभाहरूको आगमन हुँदै गर्दा तिनैमध्ये एक अर्पण थापा पनि यस क्षेत्रमा भित्रिएको आज ९ वर्ष भइसकेको छ । अर्पणले गर्ने अभिनयको पहिचान गर्ने निक्कै कम फ्यानहरु छन् । कारण उनको अभिनय क्षमता राम्रो हुँदाहुँदै पनि दर्शकले उनको प्रतिभालाई चिन्न सकेनन् ।

अर्पणको अभिनयको यात्रा बिरामी सहर नामक चलचित्रबाट सुरू गरेका थिए जसमा उनले शीर्ष भूमिका कृष्ण निभाएका थिए । यो फिल्म २०११ मा निर्माण भएको थियो ।

चलचित्र क्षेत्रमा प्रवेश गर्नु अघि मुम्बईको किशोर नमित कपुर अभिनय ईन्स्टिच्युटबाट अभिनय अध्ययन गरेका थिए ।मुम्बईमा चलचित्रसम्बन्धी कोर्स अध्ययन गरेपश्चात नेपाल फर्किएका उनी साथीको व्यापार प्रवर्द्धनको निम्ति महाबौद्धमा सिडि पनि बेचेका थिए जहाँ मुर्रे केर नामक निर्देशकसँग भेट हुने मौका मिलेको थियो ।  तिनै केरको चलचित्रमा अभिनय गर्ने मौका पाएर चलचित्र क्षेत्रमा उनको पाइला अघि बढ्दै गयो । अभिनयबाट चलचित्र क्षेत्रमा प्रवेश गरेका अर्पण अहिले एक कुशल निर्देशक एंव लेखक समेत बनिसकेका छन् । उनले एक अन्तरवार्ताको क्रममा पनि भनेका छन्  एक्टिङ भनेको दिएको पात्रलाई बाँच्नु हो, डिरेक्टर भनेको जन्मिएको पात्रलाई बचाउनु हो ।´ उनले अभिनय गरेका हरेक चलचित्रमा उनी त्यही पात्र बनेर बाँचेको देखिन्छ । निर्देशकको रुपमा पनि उनले निर्देशन गरेका चलचित्रहरुका पात्रहरुलाई बचाएर जिवन्त अभिनय गराएका छन् ।