दार्चुला । दार्चुलाका जीप व्यवसायीहरुले यात्रुबाट चर्को भाडा लिदै आएको जनगुनासो आएको छ ।
सरकारले लकडाउन खुलेको घोषणा गरे संगै जिल्ला भित्र संचालनमा रहेका जिपहरुले यात्रुबाट निकै चर्को भाडा असुल गर्ने गरेको व्यापक जनगुनासो आएको हो ।जीपहरुले सदरमुकाम खलंगा देखी महाकाली लोकमार्ग अन्र्तगत धाप सम्म ७ किलोमिटरको दुरीमा यात्रुबाट १ सय रुपैँया असुल गर्दै आएको जनगुनासो पहरा नेपाललाइ प्राप्त भएको छ । जिपहरुले यसअघि धाप सम्म लिदै आएको ४० रुपँैया भाडादरमा व्यापक वृद्धि गरी १ सय पुर्याएको स्थानियले बताएका छन् ।
सरकारले लकडाउन खुलेको घोषणा गरेपछि जिपहरुमा ३ जना मात्रै राख्न पाइने तथा पहिले लिदै आएको भाडामा ५० प्रतिशत सम्म वृद्धि गर्न पाउने नियम लागु गरेको भएपनि सो नियमको उल्लघन गर्दै जिप व्यवसायीहरुले यात्रुबाट ४० रुपँैया बढी लिइरहेको पाइएको छ ।
धाप सम्मको भाडा ४० रुपैया रहेको तथा ५० प्रतिशत बृद्धि गर्दा ६० रुपैया सम्म लिन पाउछन् । जिप व्यवसायीहरु ६० रुपैया नलिई सिधै १ सय रुपैया असुल गरिरहेको धापका स्थानियले गुनासो गरेका छन् । सरकारले तोकेकै आधारमा मान्छे राख्नु पर्ने तथा भाडामा सोही आधारमै लिनु पर्ने स्थानियको माग छ । जिप व्यवसायीहरुले ७ किलोमिटरको भाडादर साह्रै महंगो भएको भन्दै जिल्ला प्रशासन कार्यालयमा मौखिम रुपमा गुनासो समेत गरेको पाइएको छ ।
जीप व्यवसायीहरुले खलंगा देखि धाप सम्म १ सय, खलंगा देखी गोकुलेश्वर, गन्ना र लटिनाथसम्म यात्रुबाट १ हजार रुपैँया लिइरहेका छन् । जीप व्यवसायीहरुले किलोमिटरका आधारमा लिने भाडादर सहितको लिष्ट यात्रुले देख्नेगरी गाडीमा राख्नु पर्ने समेत स्थानियले माग गरेका छन् ।
तपाईको प्रतिक्रिया