जनकपुरमा गृहमन्त्री रामबहादुर थापाको तस्विर जलाए

जनकपुरधाम । पत्रकार कुट्ने प्रहरीमाथि कारबाही नगरेको भन्दै युवाहरुले जनकपुरमा गृहमन्त्री रामबहादुर थापाको तस्विर जलाएका छन् ।गृहमन्त्री थापाको तस्विर जलाएको भन्दै दुई युवकलाई प्रहरीले जनकपुरको भानु चोकबाट पक्राउ गरेको छ । पक्राउ पर्नेमा राजेश यादब र सुनिल साह छन् ।

शुक्रवार राति नवजीवन अस्पताल अगाडी प्रहरीले टुडेखोज डटकमका सम्पादक सन्तोष यादब र रिपोर्टर सिबेन्द्र रोहितालाई कुटपिट गरेका थिए । घटनाको तीनदिन वित्न लाग्दा पनि दोषी प्रहरीलाई कारबाही नगरेको भन्दै युवाहरुले जनकपुरको भानु चोकमा गृहमन्त्री थापाको तस्विर जलाएका हुन् ।प्रेस स्वतन्त्रता कायम गर, पत्रकार कुट्ने गुण्डा प्रहरीलाई कारबाही गर, गुण्डागर्दी बन्द जस्ता जस्ता नारा लेखिएको प्लेकार्ड बोकेर यूवाहरुले प्रशासन विरुद्ध नाराबाजी समेत गरे । उनीहरुले हिजो पनि प्रशासनविरुद्ध प्रदर्शन गरेको थियो ।

नवजीवन अस्पतालमा विहिवार राति एक महिलाको मृत्यू भएको थियो । पीडित परिवारले लाक्टरको लापरबाहीका कारण मृत्यू भएको भन्दै शव बुझ्न मानेनन् । मृत्यू भएको २४ घण्टापछि शुक्रवार प्रहरीले बल प्रयोग गरी शव पोष्टमार्टमका लागि प्रादेशिक अस्पताल पुर्याउन खोज्दा पत्रकार यादब र रोहिता तस्विर खिच्न लाग्दा घेरा हालेर कुटपिट गरेको थियो ।

घटनाको तीनदिन वित्न लाग्दा पनि जिल्ला प्रहरी कार्यालयले दोषी प्रहरीमाथि कारबाही गरेका छैन ।जनकपुरधाम स् पत्रकार कुट्ने प्रहरीमाथि कारबाही नगरेको भन्दै युवाहरुले जनकपुरमा गृहमन्त्री रामबहादुर थापाको तस्विर जलाएका छन् ।गृहमन्त्री थापाको तस्विर जलाएको भन्दै दुई युवकलाई प्रहरीले जनकपुरको भानु चोकबाट पक्राउ गरेको छ । पक्राउ पर्नेमा राजेश यादब र सुनिल साह छन् ।

Tags: जनकपुर