दार्चुला । अपिहिमालमा रहेको मकरीगाड हाइड्रोपावरमा काम गर्ने कामदारको ढुंगा लागेर मृत्युु । दार्चुलाको अपिहिमाल गाउपालिकामा रहेको मकरीगाड हाइड्रोपावरमा काम गर्ने एक जना कामदारको ढुंगा लागेर मृत्युु भएको छ । मृत्यु हुनेमा गाउँपालिका–५ मकरीगाडका २९ वर्षिय सुनिल धामी रहेको जिल्ला प्रहरी कार्यालय दार्चुलाका प्रहरी निरिक्षक एवं सुचना अधिकारी सुरेन्द्र प्रसाद जोशीले जानकारी दिनुभयो ।
मंगलबार दिउसो १ बजे तिर हाइड्रोपावरको पोल बोक्ने क्रममा माथीबाट खसेको ढुंगा लागेर धामीको मृत्यु भएको उहाले बताउनुभयो । खसेको ढुंगा सुनिलको कम्मरमा लाग्दा गम्भिर घाइते भएको तथा उपचारका लागी गोकुलेश्वर अस्पताल ल्याउदै गर्दा मार्मा गाउँपालिकाको सिमार भन्ने ठाउँमा बाटोमै मृत्यु भएको उहाले जानकारी दिनुभयो ।
मृतक सुनिलको शव पोष्टमार्टमका लागी गोकुलेश्वर अस्पतालमा राखिएको उहाले बताउनुभयो । अपिहिमाल गाउँपालिका–५ मकरीगाडमा १० मेगावाट क्षमताको जलविद्युत आयोजना निर्माणाधिन अवस्थामा छ । उक्त आयोजनाको निर्माण मकरीगाड हाइड्रोपावर प्रा.लि ले गरिरहेको छ ।
तपाईको प्रतिक्रिया