सांसद अगरियाको पहलमा जनकपुरदेखि यदुकोहासम्मको सडक मर्मत, स्थानीय हर्षित

धनुषा । सांसद अगरियाको पहलमा जनकपुरदेखि यदुकोहासम्मको सडक मर्मत भएको छ । स्थानीयवासी सडक मर्मत हुँदा निकै हर्षित छन् ।

 कोरोना कहरको बाबजुद काठमाडौंबाट बुधबार रातारात आएर आफ्नो क्षेत्रमा सडक निर्माण सुरु  गर्न सडक डिभिजन कार्यालय जनकपुर र हुलाकी सडकका इन्जिनियरलाई दबाब दिएका थिए । लगत्तै जनकपुरदेखि यदुकोहासम्मको सडक मर्मत तथा निर्माणको काम सुचारु भएको हो ।

जनकपुरको पुल चोकमा विगत लामो समयदेखि सडक हिलाम्मे बनेको थियो ।

एम्बुलेन्स समेत आउन सक्ने अवस्था थिएन । सबभन्दा बढी मोटरसाइकलमा आवतजावत गर्न पनि समस्या थियो । तर उक्त सडक तत्कालका लागि मर्मत गरेपछि स्थानीय खुःशी भएका छन् ।

त्यस्तै भारतको बोर्डर महुवादेखि खजुरी, माची, मंगराहा, नाथपट्टी, विसरभोरा, डुमरिया लगायतका सडकको काम पनि साँसद अरगरियाकै पहलमा अगाडी बढेको छ ।