दार्चुला :
दार्चुला जिल्लाको लेकम गाउँपालिकाका वडा नम्बर ४ का दिपेन्द्र पाललाई ब्लड क्यान्सर भएको छ । २४ वर्षीय पाललाई ब्लड क्यान्सर भएपछि उनको काठमाडौँमा उपचार भइरहेको छ ।
सुदूरपश्चिमाञ्चल विश्वविद्यालयमा व्यवस्थापन संकाय चौथो वर्षमा पढ्दै आएका पाललाई स्वास्थ्यमा समस्या देखिएपछि महाकाली अस्पताल भर्ना गरिएको थियो । महाकाली अस्पतालले उनलाई धनगढी रेफर गरेको हो ।
धनगढीको माया मेट्रो अस्पतालमा उपचारका क्रममा ब्लड क्यान्सर भएको भन्दै काठमाडौँ रेफर गरेको थियो । उनका दाजु मिन पालले अहिले काठमाडौँको सिभिल अस्पतालमा उपचार भईरहेको बताए । तर उपचारमा आर्थिक अभाव भएकाले सहयोगका लागि सबैसँग याचना गरिएको छ।
उनले अस्पतालले भाईको ब्लड क्यान्सरको उपचारका लागि झण्डै ९ लाख र वनम्यारो प्रत्यारोपण गर्न १२ देखि १६ लाख सम्म बजेट आवश्यक पर्ने बताएको जनाए । तर त्यती ठुलो रकम व्यवस्थापन गर्न नसक्ने भएकाले उपचारमा समस्या हुने देखिएपछि सहयोगका लागि अपिल गरेका छन् । सहयोग गर्न चाहाने व्यक्तिले मोवाइल नम्बर ९८६८७२२२०६, ९८६२४२५१३२ मा सम्पर्क गर्न सक्नेछन् ।
यस्तै पालकी सहोदर बहिनी जानकीको लक्ष्मी बैँक लिमिटेड लेकमको खाता नं.०९०२३००५०१४ मा आवश्यक सहयोग राशी जम्मा गर्न सकिनेछ ।
तपाईको प्रतिक्रिया