तत्काल मुख्यमन्त्री परिवर्तन हुँदैनन : प्रधानमन्त्री ओली

काठमाडौं ।  प्रधानमन्त्री केपी शर्मा ओलीले तत्काल कुनै  मुख्यमन्त्री परिवर्तन नहुने जनाउनु भएको छ ।

केही समयदेखी वाग्मती प्रदेश र प्रदेश एकको मुख्यमन्त्री परिवर्तन हुने व्यापक चर्चा चलाइरहेको बेला प्रधानमन्त्रीको यस्तो कुरा आएको हो ।

शनिबार राति प्राइम टाईम्स टेलिभिजनबाट प्रसारण भएको जनता जान्न चाहन्छन् कार्यक्रममा अन्तर्वाताको क्रममा प्रधानमन्त्री ओलीले अहिले मुलुकले स्थीरता चाहेको बताउदै मुख्मन्त्री परिवर्तन नहुने संकेत गर्नुभएको हो ।

१ नम्बर र वागमती प्रदेशको मुख्यमन्त्री परिवर्तन हुने चर्चा व्यापक छ । के यो सत्य हो ? भन्ने प्रश्नको जवाफ दिँदै ‘स्थानीय तहको निर्वाचन हुन डेढ वर्ष जति बाँकी छ । स्थानीय तहको निर्वाचन भएपछि मुख्यमन्त्री परिवर्तन हुनसक्छ र आमनिर्वाचन भएपछि प्रधानमन्त्री पनि परिवर्तन हुनसक्छ,’ बताउनु भएको हो ।