काठमाडौं । काठमाडौं उपत्यकामा जारी निषेधाज्ञा थप एक हप्ता लम्बिएको छ ।
काठमाडौं उपत्यकाका तीन वटै जिल्ला काठमाडौं, ललितपुर र भक्तपुरका सिडिओहरुको संयुक्त बैठकले उपत्यकामा एक साता निषेधाज्ञा थप्ने निर्णय गरेको हो । अब भदौ २४ गतेसम्मलाई निषेधाज्ञा थपिएको हो ।
काठमाडौं उपत्यकामा कोरोना संक्रमण बढिरहेको अवस्था रहेकोले एक साता निषेधाज्ञा जरुरी रहेकोले थपिएको जनाईएको छ । निषेधाज्ञामा भन्सार तिरेका गाडी र मोटरसाईइकल काठमाडौं उपत्यकामा ल्याउन छुट गरिएको छ ।
थपिएको समयसीमामा निर्माण सामग्री ढुवानी र होटल, रेष्टुरेण्टको ‘टेक अवे’ सेवालाई भने खुल्ला गरिएको बताइएको छ । स्वास्थ्य मापदण्ड पुरा गरेर कारखाना भित्रै मजदुर राख्नेगरी उद्योग धन्दा संचालन गर्न पाउने निर्णय गरिएको छ ।
थप गरिएको निषेधाज्ञा अवधिमा आइसोलेशन सेन्टर बढाउने, कन्ट्याक्ट ट्रेसिङ र टेष्टको दायरा बढाउने स्थानीय प्रशासनले निर्णय गरेको छ ।
एक हप्ता अघिमात्रै एक हप्ता निषेधाज्ञा लम्बयाएर आज १७ सम्मलाई थियो ।
तपाईको प्रतिक्रिया