काठमाडौं । काठमाडौं उपत्यकामा थप एक हप्ता निषेधाज्ञा लागू हुने भएको छ ।
काठमाडौं उपत्यकाका तीन वटै जिल्ला काठमाडौं, ललितपुर र भक्तपुरका सिडिओहरुको संयुक्त बैठकले उपत्यकामा एक साता भदौ २४ गते राति १२ बजेसम्म लागू हुने गरी बुधबार साँझ एकै व्यहोराको निषेधाज्ञाको आदेश जारी गरेका छन् ।
कोरोना संक्रमितको संख्या बढ्दै गएपछि भदौ ३ गतेदेखि काठमाडौं उपत्यकामा एक हप्ताको लागि निषेधाज्ञा लगाइएको थियो । त्यसपछि एक हप्ता अघिमात्रै एक हप्ता निषेधाज्ञा लम्बयाएर भदौ १० देखि १७ सम्म थप गरिएको थियो । तर अबको निषेधाज्ञा अघिल्ला हप्ताहरु भन्दा केही खुकुलो बनाइएको छ ।
अब निषेधाज्ञामा विहान ११ बजेसम्म खाद्यवस्तु, दूध र दूधजन्य पदार्थ, फलफूल, तरकारी, माछा/मासु, बिक्री गर्ने पसल खोल्न पाइनेछ । औषधी र पानीको पसल भने दिनभर खोल्न पाइनेछ ।
निषेधाज्ञामा भन्सार तिरेका गाडी र मोटरसाईइकल काठमाडौं उपत्यकामा ल्याउन छुट गरिएको छ ।
त्यस्तै विकास निर्माणसँग सम्बन्धित पसल दिउँसो २ देखि राति ९ बजेसम्म खुल्ने भएको छ । छोटो दूरीको ढुवानीका लागि प्रयोग हुने सवारी साधन पनि दिउँसो २ देखि ९ बजेसम्म चल्न पाउनेछन् ।
काठमाडौं उपत्यकामा कोरोना संक्रमण बढिरहेको अवस्था रहेकोले एक साता निषेधाज्ञा जरुरी रहेकोले थपिएको जनाइएको छ ।
अब जारी निषेधाज्ञा होम डेलिभरी सेवा भने खुला गरिएको छ । होम डेलिभरी र टेक अवे सेवा दिने व्यक्तिको पीसीआर परीक्षणको रिपोर्ट नेगेटिभ हुनुपर्नेछ र उनीहरुले भेटेका व्यक्तिहरुको अभिलेख राख्नुपर्नेछ ।
हवाई उडानबाट विदेश जानेहरुले पासपोर्ट, भिसा, स्वीकृत हवाई टिकट हुनेहरु सिधै एयरपोर्ट जाने सवारी साधनलाई पनि चल्न दिनेछ ।
काठमाडौं उपत्यकामा कोरोना संक्रमण बढिरहेको अवस्था रहेकोले एक साता निषेधाज्ञा जरुरी रहेकोले थपिएको जनाइएको छ ।
काठमाडौंमा दिनहुँ ३०० भन्दा बढी कोरोना संक्रमित थपिरहेको बेला खुकुलो बनाइदै गरिएको निषेधाज्ञाले कोरोना नियन्त्रण हुन सक्ला र ?
निषेधाज्ञाको आदेश यसप्रकार छ :
तपाईको प्रतिक्रिया