दार्चुला । दार्चुलाको मालिकार्जुन गाउँपालिका वडा नम्बर ५ डाडाकोटको अस्थायी प्रहरी चौकी स्थापनाको गर्ने स्थापना कार्य छोटो समयमै सम्पन्न भएको छ ।
जिल्ला प्रहरी कार्यालय दार्चुलाले डाँडाकोटमा अस्थायी प्रहरी चौकीका लागि अनुरोध गरेको तेस्रो दिनमै स्थापनाका लागि आदेश प्राप्त भएको हो ।
जिल्ला प्रहरी कार्यालय दार्चुलाबाट माग गरेको दुई पश्चात् प्रदेश कार्यालयबाट आदेश प्राप्त भएको प्रहरी प्रमुख डिएसपी पदम बहादुर बिष्टले बताउनु भयो । उहाँका अनुसार भाद्र १५ गते बेलुकी प्रदेश प्रहरी कार्यालयलाई डाडाकोटमा अस्थायी प्रहरी चौकीका लागि माग गरिएको थियो ।
प्रदेश प्रहरी कार्यालयले जिप्रका दार्चुलाले अनुरोध गरेको स्थानमा अस्थायी चौकी राख्न तेस्रो दिनमै अर्थात् भाद्र १७ गते नै आदेश दिएको हो । ‘हामीले भाद्र १५ गते अस्थायी चौकी राख्न लेखि पठाएको थियौँ, प्रदेशबाट भाद्र १७ गते नै आदेश प्राप्त भयो’ डिएसपी बिष्टले भन्नु भयो ।
डाँडाकोटमा क्याम्पस तथा वडा कार्यालय जस्ता सरकारी कार्यालय समेत रहेको, भूगोलका दृष्टिकोणले सुरक्षा उपस्थिति अनिवार्य देखिएकाले जिल्लाबाट गरिएको अनुरोधको छोटो समयमै सम्बोधन भएको डिएसपी बिष्टको भनाई छ । ‘डाँडाकोटमा सुरक्षा उपस्थिति अतिआबश्यक रहेछ, प्रदेशबाट छोटो समयमै आदेश प्राप्त भयो’ डिएसपी विष्टले भन्नु भयो ।
जिल्ला प्रहरी कार्यालय दार्चुलाले प्रदेश प्रहरी कार्यालयलाई अनुरोध गरेको थियो भने प्रदेशले प्रहरी प्रधान कार्यालयमा पठाउछ । प्रहरी प्रधान कार्यालयबाट स्वीकृत भइसकेपश्चात् प्रदेशले आदेश दिएको डिएसपी बिष्टको भनाई छ । ‘अस्थायी प्रहरी चौकीका लागि हेडक्वाटरले नै अनुमति दिन्छ, चौकी स्थापना गर्नुपर्ने भए मन्त्रालयसम्म पुग्छ’ उहाँले भन्नु भयो ।
हेडक्वाटरले सुरक्षाकर्मीका लागि खान र बस्न व्यवस्थापनलाई बढी महत्व दिने हुदाँ गाउँपालिकाले खान बस्नको व्यवस्थापन गरेकोले सहज भएको हो । ‘हेडक्वाटरले जनशक्तिहरुको बस्न र खानाको व्यवस्थालाई हेर्छ, अनि आबश्यकतालाई हेर्न गर्दछ, गाउँपालिकाले राम्रो व्यवस्थापन गरेको छ’ डिएपीले भन्नु भयो ।
डाँडाकोटमा सुरक्षा उपस्थिति भएसंगै महिलाहरु बढी खुशी भएको डिएसपी बिष्टको प्रतिक्रिया छ । ‘सुरक्षा उपस्थिति भएसंगै महिला बढी खुशी भएको देखिन्छ, घरेलु हिंसा कम हुने अपेक्षाका कारण होेला’ उहाँले भन्नुभयो ।
जिल्ला सदरमुकाम खलंगाबाट विहीबार गएको प्रमुख जिल्ला अधिकारी, सशस्त्र प्रहरी उपरीक्षक, प्रहरी नायब उपरीक्षकको टोली र गाउँपालिका अध्यक्ष सहितको टोलीले अस्थायी प्रहरी चौकी उद्घाटन गरेका छन् । अस्थायी चौकीमा प्रहरी सहायक निरीक्षकको नेतृत्वमा ७ जना प्रहरी खटिएका छन् ।
कोरोना संक्रमित भेटिएको मालिकार्जुन गाउँपालिकाको डाडाकोटमा विहीबार ४० जनाभन्दा बढी व्यक्तिहरुको सहभागिता अस्थायी प्रहरी चौकी स्थापना गरिएका हो । ‘उद्घाटन कार्यक्रममा त्यती धेरै भीडभाड थिएन, सबैले मास्क लगाएका थिए, त्यति जोखिम पनि भएन स्वयम सिडिओ साप हुनुहुन्थ्यो’ भन्नु भयो । वडाध्यक्ष ओझाले उक्त भीडबाटै पुनः भीडभाड नगर्न र श्राद्ध तथा भोज–भतेरमा भीडभाड नगर्न अनुरोध गरेको बताउनु भयो ।
वडा कार्यालयले कोरोना संक्रमण देखिएसंगै सञ्चार माध्यमबाट वडा शिल गरिएको सूचना समेत प्रसारण गरेको थियो । वडाध्यक्ष ओझाले केही दिन अघि केही खुकुलो बनाइएको र पूर्ण रुपमा नखोलिएको बताएका छन् ।
गाउँपालिका स्वास्थ्य शाखा संयोजक गुणराज ओझाले भने वडा नम्बर ५ शिल नगरिएको बताएका छन् । शिल गरिएको अन्य वडाहरु पनि विपद् व्यवस्थापन समितिको बैठकले खोल्ने निर्णय गरेकाले खोएिको उहाँको भनाई छ ।
तपाईको प्रतिक्रिया