एकैदिन १,३५९ जनामा कोरोना संक्रमण पुष्टि, संक्रमितको कुल संख्या ४४,२३६ पुग्यो

काठमाडौं ।  नेपालमा एकैदिन कोरोना संक्रमित हुनेको संख्या १ हजार ३ सय ५९ पुगेको छ । यो संगै कोरोना संक्रमित हुनेको कुल संख्या ४४ हजार २ सय ३६ पुगेको छ ।

शुक्रबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले देशभर थप १३ सय ५९ जनामा कोरोनाभाइरस संक्रमण पुष्टि भएको जानकारी दिए ।

डा. गौतमका अनुसार संक्रमितमा महिला ४६४ र पुरुष ८९५  रहेका छन् । यससँगै देशभर कुल संक्रमितको संख्या ४४ हजार २३६ पुगेको छ ।

यस्तै  पछिल्लो २४ घण्टामा कोरोना संक्रमण मुक्त हुनेको संख्या १ हजार ३ सय ५४ पुगेको छ । यो संगै कोरोना संक्रमण मुक्त हुनेको कुल  संख्या २५ हजार ५ सय ६१ पुगेको छ। 

 यस्तै पछिल्लो २४ घण्टामा कोरोनाभाइरसबाट थप १४  जनाको मृत्यु भएको छ । यो संगै कोरोना संक्रमणबाट  मृत्यु हुनेको कुल संख्या २७१ पुगेको छ ।