सीमा बचाऔं अभियन्ताहरुको गिरफ्तारी र यातनाप्रति सरकारको घोर निन्दा र भर्त्सना

काठमाडौं । सीमा बचाऔं अभियान नेपालले हिजो एक वक्तव्य प्रकाशित गर्दै यस अभियानमा संलग्न साथीहरुलाई गिरफ्तारी र यातना दिएकोमा सरकारको घोर निन्दा र भर्त्सना गर्दै एक बक्तब्य प्रकाशित गरेको छ ।

अभियानका संयोजक स्वनाम साथीले जारी गरेको बक्तब्यमा मच्छिन्द्रनाथको रथ तान्ने क्रममा गत बिहीबार पुलचोको झडपमा संलग्न भएको आरोप लगाउँदै घटनासँग कुनै साइनो र सम्बन्ध नभएका व्यक्तिहरुलाई गिररफ्तार गरिएको र यातना दिएको गम्भीर आरोप लगाउँदै पक्राउ परेका सबैलाई  तत्काल बिनाशर्त रिहा गर्न माग गरिएको छ । अन्यथा अभियानका साथीहरु आमरण अनसनमा बस्ने र त्यसबाट निकस्ने परिणामको जिम्मेवार सरकार हुने चेतावनी पनि दिइएको छ ।

वक्तव्य यस प्रकार छ  :

 ‘‘यस सीमा बचाऔ अभियानका अभियन्ता सदस्यहरु खोकनाका ३८ बर्षिया अशोज महर्जन, ४० बर्रषिय महेश बज्राचार्य,३९ बर्षिय पृथबिन्दु महर्जन,३६ बर्षिय रबि शाक्य,४० बर्षिय रबिन शाक्य,४३ बर्षिय सुबिन शाक्य, ४७ बर्षिय ध्रुब बज्राचार्य,३२ बर्षिय श्याम श्रेष्ठ,४० बर्षियचन्द्रलाल कायस्थ र ठिमीका निरज बाडे लगायतका १७ जना साथीहरुलाई नेपाल सरकारले रातो मच्छिन्द्रनाथको रथ तान्ने क्रममा बिहिबार पुलचोकको झडपमा संलग्न भएको आरोप लगाउदै गिरफ्तार गरेको छ। यसरी घरघरमा गएर गिरफ्तार गर्ने सरकारी कार्यको अभियान घोर भत्सर्ना  गर्दछ।

घटनामा कुनै साइनो सम्बन्ध नभएका व्यक्तिहरुलाई बिना कारण गिरफ्तार गरि  कुटपिट गर्ने र यातना दिने सरकारको कदमको घोर निन्दा गर्दै यस सिमा बचाऔ अभियानका  अभियन्ताहरु लगायएतका गिरफ्तार गरिएका सम्पूर्ण साथीहरुलाई तत्काल बिना सर्त रिहाइ गर्न माग गर्दछ।  तत्काल रिहाइ नगरेमा साथीहरु आमरण अनसनमा बस्ने र त्यसबाट निस्कने परिणमको भगिदार सरकार हुनुपर्ने चेतावनी समेत दिन चाहन्छ।’’