दार्चुलामा धमाधम सत्तारुढ पार्टी छाड्दै काँग्रेसमा प्रवेश गर्नेहरुको लर्को

दार्चुला ।  दार्चुलामा नेपाली काँग्रेसमा पार्टी प्रवेश गर्नेहरुको लहर नै चलेको छ ।

सत्ताधारी पार्टी नेकपा परित्याग गरी नेपाली काँग्रेसमा प्रवेश गर्ने युवाहरुको लर्को लागेको हो ।

शनिवार मात्रै जिल्लाको दुहूँ गाउँपालिका वडा नम्बर ५ का आधा दर्जन बढी नेकपाका कार्यकर्ता काँग्रेसमा प्रवेश गरेका छन् । शनिवार नेपाल तरुण दल गठन कार्यक्रममा उनीहरुले काँग्रेस प्रवेश गरेको दुहूँ तरुण दलका अध्यक्ष पदम कार्कीले जानकारी दिए ।

प्रवेश गर्नेमा वडा नम्बर ५ का विक्रम कार्की, उमेश कार्की, मान सिंह बडाल, पुलेन्द्र सिंह बडाल, दिपक सिंह बडाल, डम्मर सिंह बडाल र कल्यान सिंह बडाल रहेका छन् ।

लामो समयसम्म नेकपालाई सहयोग गर्दै आएपनि विकास निर्माण देखी सुशासन कायम गर्ने कार्यमा नेकपा असफल भएकाले जनताको पार्टी काँग्रेसमा प्रवेश गरेको नवप्रवेशीहरुको भनाई छ ।

नवप्रवेशी उनीहरुलाई दुहु गाउँपालिका अध्यक्ष एवं नेपाली काँग्रेस जिल्ला कार्यसमिति सदस्य पुलेन्द्र बहादुर कार्कीले टिका लगाएर स्वागत गरेका छन् ।

यसअघि पनि दुहु गाँउपालिकामा सयौ नेकपाका कार्यकर्ता काँग्रेस प्रवेश गरिसकेका छन् । यसैविच दुहु ५ मा नेपाल तरुण दल गठन गरिएको छ ।

जमन सिंह कार्कीको अध्यक्षतामा ११ सदस्यीय तरुल दल गठन गरिएको गाउँपालिकाका तरुण दल अध्यक्ष पदम कार्कीले जानकारी दिए । तरुण दलको उपाध्यक्षमा प्रकाश सिंह महरा, सचिवमा बल बहादुर बम, कोषाध्यक्षमा विक्रम सिंह महरा रहेका छन् । यस्तै सदस्यमा जनक सिंह महरा, विक्रम बहादुर कुवर, दिपक बहादुर कुवर, करविर सिंह महरा, आन सिंह बडाल, ध्रुब बहादुर बम र प्रेम सिंह महरा रहेका छन् ।