काठमाडौं । चार किसान संगठनले संयुक्तरुपमा यही भाद्र २५ गते नेपालको कृषि र किसानका समस्या बिषयक राष्ट्रिय भेला आयोजना गरेको छ ।
संगठनले आज एक सयुक्त वक्तव्य जारी गर्दै किसान र कृषिको हितमा प्रष्ट र पारदर्शी बिकल्प बिना रोक्का गरिएको जमिनको कित्ताकाट फुकुवा गर्ने सरकारी निर्णय सन्देहास्पद, अबिश्वसनीय तथा कृषि र किसान बिरोधी रहेको जनाएको छ ।
किसानामारा उदारबादी अर्थनीति र भू–माफियाको पक्षमा भएको यो गलत निर्णय तत्काल फिर्ता लिएर किसान र कृषिको व्यापक हितमा भू–उपयोग राष्ट्रिय नीति ल्याउन चार किसान संगठनले जोडदार माग समेत गरेको छ ।
सयुक्त वक्तव्यको पुर्णपाठ :
चार किसान संगठनको सयुक्त वक्तव्य
किसान र कृषिको हितमा प्रष्ट र पारदर्शी बिकल्प बिना रोक्का गरिएको जमिनको कित्ताकाट फुकुवा गर्ने सरकारी निर्णय सन्देहास्पद, अबिश्वासनीय तथा कृषि र किसान बिरोधी छ । यसले कृषि उत्पादन र उत्पादकत्व बृद्धि गर्ने किसिमले भू–उपयोग गर्न कीमार्थ मद्दत गर्दैन । अतः किसानामारा उदारबादी अर्थनीति र भू–माफियाको पक्षमा भएको यो गलत निर्णय तत्काल फिर्ता लिइयोस् र किसान र कृषिको ब्यापक हितमा भू–उपयोग राष्ट्रिय नीति ल्याइयोस् भन्ने हामी चार किसान संगठन जोडदार माग गर्दछौं ।
अज्ञात रोगले नेपालका बिभिन्न भागमा दुहुना र गर्भिणी गाईहरु भटाभट मर्दै गएको र दूध किसानहरु ठूलो नोक्सानी पर्न गाएकोमा हामी चिन्तित छौ र सरकारले गाईमा लागेको यो रोग शिघ्र पत्तो लगाइ उपचार गरोस् र पीडित किसानलाई उचित क्षतिपूर्ति प्रदान गरी राहत देओस् भन्ने समेत जोडदार माग गर्दछौं ।
पूर्ब निर्णय अनुसार चार किसान संगठनले संयुक्तरुपमा यही भाद्र २५ गते दिनको १२ बजेदेखि आयोजना गरेको नेपालको कृषि र किसानका समस्या बिषयको राष्ट्रिय भेला — ‘गुगल मिट’मा आमन्त्रित चारै किसान संगनठका साथीहरुलाई सहभागी भई यसलाई सार्थकताकासाथ सफल तुल्याउन संयुक्त आह्वान गर्दछौं ।
अखिल नेपाल किसान महासंघ (अप्पो)का अध्यक्ष
भैरबराज रेग्मी
अखिल नेपाल किसान महासंघ(क्रान्तिकारी)का अध्यक्ष सीताराम तामाङ्ग
अखिल नेपाल किसान यूनियनका अध्यक्ष
लोकनारायण सुबेदी
अखिल नेपाल प्रगतिशील किसान संघका इन्चार्ज
कृष्ण राना
२०७७ भाद्र २३
तपाईको प्रतिक्रिया