मन्त्रिपरिषद् बैठकमा कुलमानको पुनर्नियुक्ती प्रस्ताव कार्यसूचीमै परेन

काठमाडौं । सर्वत्र चासोका रुपमा हेरिएको कुलमानको पुनर्नियुक्ती प्रस्ताव आजको मन्त्रिपरिषद् बैठकमा परेको छैन ।

मन्त्रिपरिषद् बैठक साँझ ५ बजेका लागि बोलाइएको छ । नेपाल विद्युत प्राधिकरणका कार्यकारी निर्देशकमा कुलमान घिसिङलाई पुर्ननियुक्तिको प्रस्ताव आजको मन्त्रिपरिषदमा लगिने अनुमान गरिएपनि कार्यसूचीमा परेको छैन ।मन्त्रिपरिषदको कार्यसूचीमा नरहेको ती मन्त्रीले बताए । कुलमानको पहिलो चार वर्षे कार्यकाल आइतबारबाट सकिएको छ । उनलाई पुनः नियुक्ति गर्न प्रधानमन्त्री केपी शर्मा ओली र उर्जामन्त्री वर्षमान पुनबीच सहमति भैसकेको बताइएपनि कुनै औपचारिक निर्णय अहिलेसम्म भएको छैन ।

आजको मन्त्रिपरिषद बैठकमा प्रधानमन्त्रीले सिधै प्रस्ताव गरेर निर्णय पनि गर्न सक्ने ती मन्त्रीको भनाई छ । आजको बैठकले सरकारको प्रवक्ता तोक्ने लगायत महत्वपूर्ण निर्णय गर्ने बताइएको छ ।