काठमाडौं । नेपाल कम्युनिष्ट पार्टीको स्थापना दिवस १५ सेप्टेम्बर एक भर्च्यूअल भेलामार्फत भब्यताकासाथ मनाइएको छ । कार्यक्रमको अध्यक्षता गर्दै पार्टीका सह—संयोजक लोकनारायण सुबेदीले जनता र देशलाई धरापमा पारेर सत्तामा रजाई गर्ने कुनै पनि शक्तिले देशलाई सही दिशा र गति दिन सक्तैन, नेपालको अहिलेको अबाञ्छित स्थितिले त्यही कुरा प्रष्ट पारिरहेको र्औल्याउदै त्यस्तो स्थितिमा देशमा बाह्य हस्तक्षेप, दबाब र भ्रष्टाचार, कमिशनखोरी बढ्ने र जनता र देश अझ ठूलो संकट र समस्याको भुँवरीमा पर्ने बाहेक अरु केही हुँदैन भन्ने स्पष्ट पारेका थिए ।
यस्तो अबस्थामा देशमा सचेत क्रान्तिकारी शक्ति, समूह, ब्यक्ति जो सुकै पनि एकजुट भएर स्थितिको सामना गर्न जनतालई स्वाधिनता, स्वतन्त्रता, जनतन्त्रको सुरक्षा, शान्ति र समृद्धिको दिशामा नेतृत्व प्रदान गरी सामन्ती, दलाल नोकरशाही जन बिरोधी ब्यवस्थाकै अन्त्य गर्न अग्रसर हुनु बाहेक अरु बिकल्प छैन भन्ने औंल्याए थिए । यसका लागि कमरेड पुष्पलालले अघि सारेको बामपन्थी एकता, संयुक्त मोर्चा र संयुक्त जन आन्दोलन जस्ता कारगर र महत्वपूर्ण सिद्ध क्रान्तिकारी बिचारका वरीपरी गोलबन्द हुनुको कुनै बिकल्प नभएको कुरा उनले प्रष्ट पारेका थिए ।
कार्यक्रम मा बोल्दै सचिवालय सदस्यहरु रामबहादुर भण्डारी, शरण बिक्रम मल्ल, भीमप्रदद सेढाई ,रत्नप्रसाद जोशी, रामदुलार महतो, सीता सुबेदी र डा. मिश्री मण्डहरुले सरकारको भ्रष्टाचार कमिशनखोरी, जनता र राष्ट्रमार्थिको खेलबाड र गैरजिम्मेवारी तथा राष्ट्रघाती एमसीसी सम्झौता, भारतीय अतिक्रमण र हस्तक्षेपका समस्या लगायत जनता र राष्ट्रका जल्दा बल्दा समस्यालाई लिएर नेपाली जनतालाई एकजुट पार्ने र सशक्त आन्दोलन उठाउने बाहेक अरु कुनै बाटै छैन भन्ने प्रष्ट पारेका थिए ।
त्यसैगरी राष्ट्रिय सम्मेलन तयारी समितिका सदस्यहरु नरेन्द्र बहादुर तण्डुकार, दमन कटुवाल, धर्मेन्द्र चौधरी, प्रबीण जोशी, बिपत्ती मण्डल, सत्यनारायण मुखिया तथा बिद्यार्थी नेताहरु मनिश भटराई, शहबाज खान, महादेब महराहरुले पनि दलित र महिलाहरुमाथि भइरहेका अत्याचार हत्या हिंसा शिक्षा र स्वास्थमा भएका भ्रष्टाचार, कमिशनखोरी, लगायत शैक्षिक र क्षेत्रको अस्तब्यस्ताका बिरुद्ध संघर्ष गर्नुको कुनै बिकल्प नभएको औल्याएका थिए ।
कार्यक्रममा यस ऐतिहासिक दिनमा नेपाल कम्युनिष्ट पार्टीमा प्रवेश गरेर सप्तरीका शिक्षक तथा कानुन ब्यवसायी सागर बीर कडारीले पुष्पलालको क्रान्तिकारी नीतिको रक्षा र बिकासबाट मात्र देश र जनताले भोगिरहेका याबत समस्या हल हुने देखेर आफु नेपाल कम्युनिष्ट पार्टीमा प्रवेश गरेको बताउँदै पार्टीमा अनुशासनबद्धरुपमा रहेर देश र जनताको सेवामा निरन्तर समर्पित हुने बताएका थिए । त्यसैगरी गोर्खाबाट समेत पत्रकार शंकर थापा पनि पुष्पलालको सही नीति र बिचार बोकेको नेकपमा प्रबेश गरेर देश र जनताको सेवामा लाग्ने अठोट गरेको र समर्पित भएर लागेको घोषणा गरेका थिए । त्यसैगरी बिपत्ती मण्डल र सत्यनारायण मुखियाको सक्रियतामा जनकपुर नगरपालिकाका मजदुहरु पनि नेकपमा प्रवेश गरेका थिए ।
कार्यक्रममा पार्टीका सल्लाहकार कृषिबिज्ञ गोपाल पोखरेल तथा पूर्ब न्यायाधीश काशीनाथ पोखरेल र उदयपुरका पार्टीनेता तोया अधिकारी पनि उपस्थित भएर पार्टीलाई सही दिशामा अघि बाढउन १५ सेप्टेम्बरले प्रेरणा देओस् भन्ने शुभ कामना दिएका थिए ।
तपाईको प्रतिक्रिया