कैलालीमा प्रेस स्वतन्त्रता हननका घटना बढेपछि नेपाल पत्रकार महासंघको यस्तो निर्णय

दार्चुला । केही समययता सुदूरपश्चिम प्रदेशको कैलाली जिल्लामा श्रृंखलावद्ध रूपमा प्रेस स्वतन्त्रता हननका घटना भइरहेका छन् ।

पछिल्लो पटक कैलालीबाट सञ्चालित दिनेश एफएममा केही व्यक्तिहरूको समूह प्रवेश गरी एफएम कार्यालय तोडफोड गर्नुका साथै त्यहाँका पत्रकारमाथि अन्धाधुन्ध आक्रमण गरी घाइते बनाइएको छ ।

सोही घटनासहित कैलालीमा भएका प्रेस स्वतन्त्रता हननका घटनाहरूबारे स्थलगत अध्ययनका लागि नेपाल पत्रकार महासंघले अध्ययन टोली त्यसतर्फ पठाउने भएको छ ।

महासंघका महासचिव रमेश विष्टको नेतृत्व रहेको टोलीमा सचिव रामप्रसाद दाहाल, सुदूरपश्चिम प्रदेशका केन्द्रीय सदस्य, प्रदेश अध्यक्ष, कैलाली अध्यक्षलगायत सहभागी हुनुहुन्छ ।

टोलीले घटनाका सम्बन्धमा स्थलगत रूपमा अध्ययन गरी पीडित पक्ष, स्थानीय प्रशासन, प्रहरी, सरोकारवाला, पत्रकार लगायतसँग छलफल गरी सत्यतथ्य सार्वजनिक गर्नेछ ।