संविधान दिवसको उपलक्ष्यमा २९ राष्ट्रबाट शुभकामना

 
काठमाडौँ । संविधान सभाबाट संविधान जारी भएको पाँच वर्ष पूरा भएको अवसरमा  विश्वका २९ मुलुकका राष्ट्राध्यक्षले शुभकामना दिएका छन् ।

 राष्ट्रपति विद्यादेवी भण्डारी र प्रधानमन्त्री केपी शर्मा ओलीलाई २९ राष्ट्रबाट बधाई तथा शुभकामना सन्देश प्राप्त भएका छ ।

अष्ट्रेलिया, बङ्गलादेश, बेल्जियम, भुटान, ब्राजिल, क्यानडा, चीन, क्युबा, इजिप्ट, फ्रान्स, होली सी, भारत, गणतन्त्र कोरिया र  प्रजातान्त्रिक जनगणतन्त्र कोरियाले शुभकामना दिएका छन् ।

यस्तै लग्जेम्बर्ग, मालदिभ्स, म्यान्मा, नेदरल्याण्ड्स, निकारागुवा, फिलिपिन्स, पोल्याण्ड, कतार, रुसी महासङ्घ, साउदी अरेबिया, थाइल्याण्ड, टर्की, श्रीलङ्का र स्विट्जरल्याण्डका राष्ट्राध्यक्ष एवं सरकार प्रमुखबाट राष्ट्रपति भण्डारी र प्रधानमन्त्री ओलीलाई राष्ट्रिय दिवसका अवसरमा बेग्लाबेग्लै बधाई तथा शुभकामना सन्देश प्राप्त भएको परराष्ट्र मन्त्रालयले जनाएको छ ।