खोकनाकावासीमाथि गरिएको अमानवीय हस्तक्षेपप्रति नेवाः विद्यार्थी युनियनको ध्यानाकर्षण

काठमाडौं / नेवाः विद्यार्थी युनियनले  गत शनिबार नेवा:बस्ती खोकनाकामा भएको प्रहरीको हस्तक्षेपको विरोध गर्दै ध्यानाकर्षण गराएको छ ।

 युनियनले आज एक विज्ञप्ति जारी गर्दै खोकनाका स्थानीय कृषकहरुले आफ्नो जमिनमा रोपाइँ गर्दा प्रहरीले हस्तक्षेप गरेकोप्रति ध्यानाकर्षण गराएको हो । रोपाइँका क्रममा सशस्त्र प्रहरीले अमानवीय ढंगले हस्तक्षेप गर्नुका साथै धम्की दिइ दमन गरी लाठ्ठी चार्ज गरी, अश्रुग्यास प्रहार  गरेकोप्रति  नेवाः विद्यार्थी युनियनले आपत्ति जनाएको हो ।

सरकारले खेती योग्य जमिनमा खेती किसानी गरी आफ्नो पुख्र्याैली पेशाबाट बन्देज गरेर गैर कानुनी तवरले दानवीय, पशुप्रवृतिको व्यवहार गरेको प्रति घोर भत्र्सना जनाएको छ ।

रोपाइँका क्रममा हलिं नेवाः गुथिका महिला संयोजक विद्या श्रेष्ठलाई दर्जनौं पुरुष दंगा प्रहरीले घेरी  दुर्व्यवहार  गरी विना कारण लाठि चार्ज गर्नुका साथै दुर्गाराम महर्जन लगायतलाई    घाइते बनाउने काम गरेको प्रति आपत्ति प्रकट गरेको हो ।

नेपाली सेनाको प्याराजम्पको लागि अधिकरण गरी जग्गा मध्ये केही मात्रामा सेनाको नाममा राखेर अत्यावश्वयक भन्दा बढि जग्गा सेना बाहिरका मानिसहरुमा राखी गैर संवैधानिक र गैर कानुनी कुरामा सत्य तथ्य जनता समक्ष अजागर गराउन जोडदार माग  गर्दै उक्त प्याराजम्पका लागि प्रयोगमा  नआएकोले नेपालको कानूनअनुसार सम्बन्धित जग्गाधनीलाई नै फिर्ता गराउन जोडदार माग गरेको छ  ।

अधिकरण नभएको, मुआब्जा नलिएको कृषकको जग्गामा  काम गर्न नदिइ उल्टै बन्दुक  देखाइ डर,त्रास, धम्कि दिइ खेतमा काम  गरी दैनिक जीवन गुजारा चलाउँदै आइरहेका कृषकको खेती अधिकरण  गरि सुकुम्बासी बनाइ  अधिकरणको नाममा कुनै प्रकृया पुरा नगरी नेपाल सरकारले हस्ताक्षर गरेको अभिसन्धि आइएलओ १६९ उल्टो स्थानीय आदिबासी जनतालाई पूर्व सुसुचित जानकारी सहितको मञ्जुरी नलिइ सरकारले उपत्यकाका नेवार समुदायलाई विस्थापन गर्नु खोजेको प्रति यस्तो कार्यको विरोध गर्दै यसप्रति कडा कदम चाल्ने युनियनल चेतावनी दिएको छ ।