एमसीसीबारे जनता समाजवादी पार्टीको धारणा सार्वजनिक

काठमाडौं । जनता समाजवादी पार्टीले एमसीसीबारे आफ्नो पार्टीको धारणा सार्वजनिक गरेको छ।

नेकपा पार्टी भित्र एमसिसि को बारेमा विवाद भैरहेको बेलामा जसपाले आफ्नो धारणा सार्बजनिक गरेको हो।

जसपा नेपालले आफ्नो प्रवास संगठन मार्फत धारणा सार्वजनिक गर्दै यथास्थितिमा एमसीसी पास गर्न नहुने जनाएको छ।

जसपाले एमसीसीबारे अध्यन गर्न प्रवास संगठन मार्फत तीन सदस्यीय कार्यदल बनाएको थियो।

एमसीसी सम्झौताका शर्तहरु गम्भीर प्रकृतिका रहेको तथा यसमा उल्लेखित शर्तहरु हेर्दा यो भित्र लुट, अझ भित्र उपनिवेश र बाहिर आर्थिक सहयोगजस्तो देखिने भएकाले यो यथास्थितिमा पास गर्न नहुने बताएको छ।

एमसीसी ईष्ट ईण्डिया कम्पनीजस्तै रहेको निष्कर्ष निकाल्दै प्रवास संगठनले सरकारलाई एमसीसी सम्झौता बारेमा पाँच सुझाव समेत दिएको छ।

नेपालले जुनसुकै देश सङ पनि अनुदान लिन सक्ने भएतापनी राष्ट्रियता र सार्बभौमिकता नै खतरामा पर्ने गरि कुनै पनि देशसङ सहकार्य गर्न नस्क्ने प्रतिबेदनमा जनाइएको छ।

राष्ट्रघात हुने सर्तहरु तेर्साएर कुनै पनि राष्ट्रले सहयोग दिने कार्य गर्छ भने त्यो स्वीकार गर्न नसकिने समेत जनाएको छ।