सरकारले मित्र राष्ट्रसँग सम्बन्ध विगारेर मुलुकको अवस्था झन् संकटग्रस्त बनाएको उपेन्द्र यादवको आरोप

काठमाडौं । जनता समाजवादी पार्टीका अध्यक्ष उपेन्द्र यादवले ओली नेतृत्वको सरकारले  छिमेकी मुलुक र अन्य मित्र राष्ट्रहरुसँग  सम्बन्ध विगारेर  मुलुकको अवस्था झन् संकटग्रस्त बनाएको आरोप गरेका छन्।

अत्यधिक वर्षाले गर्दा देशको धेरै जसो भूभाग बाढी, पहिरो र डुबानमा परेकाछन्। वर्तमान सरकार सबै शक्तिहरूलाई साथमा लिएर  जनताको धन र जीवन रक्षा गर्नुपर्नेमा झन छिमेकी देशसंग सम्बन्ध बिगार्नमा तल्लीन रहेको जनाएका छन् ।

तराई/मधेशमा बाढीले गर्दा कृषि वाली नष्ट भएका छन्।  लाखौं मानिसहरु घरबार बिहीन भएका छन्। कोरोना महामारीका  साथै झाडा पखालाले मानिसहरु अत्यन्त पीडितको ज्यान जोखिममा परेका छन्। वर्तमान सरकार भने आफ्नै पार्टी र विपक्षीहरुसँग सहकार्य गर्न असफल भएको छ। सुरक्षाकर्मीहरू उदार कार्यमा लागेको भएता पनि सरकारले   ठोस रुपमा यस समबन्धमा नीति ,  कार्यक्रम  कुनै राहतका योजना नै लयाउन सकेको छैन ।   यस्तो अवस्थामा सरकार आफ्नै पार्टी र विपक्षीहरुसँग सहकार्य गर्न असफल भएको छ।

यस्तो अवस्थामा मुलुकको लागि यो सरकार अभिसाप नै सिद्ध भएको यादवले जनाए ।  यस्तो असफल र गैर जिम्मवार एवम् भ्रष्ट सरकारलाई हटाउनु नै देश र जनताको हितमा छ। 

बाढी , पहिरो,कोरोना महामारी बाट देश र जनताको रक्षा गर्नकालागि सबै एक जुट हुन यादवले आग्रह गरेका छन् ।