प्रधानमन्त्री ओलीको पुतला दहन

कपिलवस्तु। जनता समाजवादी पार्टी नेपालले संसद पुनःस्थापनाको माग गर्दै कपिलवस्तु जिल्लाको सदरमुकाम तौलिहवालगायत पकडी, विजयनगर, चन्द्रौटा र कृष्णनगरमा आइतबार प्रधानमन्त्री केपी शर्मा ओलीको पुतला दहन गरेको छ ।

प्रतिनिधिसभा विघटन असंवैधानिक र प्रतिगमनकारी कदम भएको भन्दै जसपाले चरणबद्ध आन्दोलन गर्दै आएको छ ।

जसपाको केन्द्रीय निर्देशन अनुसार तेस्रो चरणको कार्यक्रमअन्तर्गत प्रधानमन्त्रीको पुतला दहन गरिएको जिल्ला अध्यक्ष शैलेन्द्र कुमार यादवले बताउनुभयो ।

प्रधानमन्त्रीको पुतला दहन गर्दा प्रहरीले हस्तक्षेप गरेको थियो ।