सर्पले टोकेर बालिकाको मृत्यु

दार्चुला । दार्चुलामा सर्पको टोकाइबाट बालिकाको मृत्यु भएको छ । मालिकार्जुन गाउँपालिका ६ सलेतीका ७ वर्षीय दिव्या धामीको बुधबार साँझ ५ बजे तिर मृत्यु गएको हो ।

सर्पको टोकाइबाट सिकिस्त भएका धामीको जिल्ला अस्पताल दार्चुलामा उपचारका क्रममा ज्यान गएको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक सुरेन्द्र प्रसाद जोशीले जानकारी दिए ।

दिउँसो सर्पले टोकेको थाहा पाएपछि बालिकाका बुवाले तत्काल उपचारका लागि जिल्ला अस्पताल ल्याएका थिए ।