– सहबान अन्सारी
नवलपरासी । नवलपरासीको सीमा क्षेत्रबाट करिब ९८ हजार मूल्य बराबरको अबैध मटर ( केराउ) सशस्त्र प्रहरीले नियन्त्रणमा लिएको छ ।
मंगलवार प्रतापपुर गाउँपालिका वडा नं. ५ भैरवपुरमा नेपालबाट भारततर्फ अबैधरुपमा लैजादै गरेको १२ सय २५ केजी करिब ९८ हजार मुल्य बराबरको मटर (केराउ) सशस्त्र प्रहरी बल नेपाल २६ नम्बर गण बेलासपुर र सशस्त्र प्रहरी बल नेपाल अस्थाई सुरक्षा बेश भैरवपुरको संयुक्त गस्ती टोलीले नियन्त्रणमा लिएको हो ।
उक्त मटर (केराउ) मानिसहरुले लैजादै गर्दा सशस्त्र प्रहरी टोलीलाई देखेपछि सोही स्थानमा उनीहरु बोरा फाली भगेका थिए ।
नियन्त्रणमा लिइएको मटर (केराउ) आवश्यक कारवाहीको लागि महेशपुर भन्सार कार्यालय पठाइएको सशस्त्र प्रहरी उपरिक्षक भरत खनियाले जानकारी दिए ।
तपाईको प्रतिक्रिया