उदयपुर l भ्रष्टाचारको छानबिन गर्न सर्ब दलीय समिति बनाउ, भ्रष्टाचारीलाई कारबाही गर भन्ने मागका साथ चार दलले शुरु गरेको धर्ना प्रदर्शन कार्यक्रममा अरु दुइ दल थपिएका छन् । थपिका दलहरुमा किरात खम्बुआन साझा पार्टी र जन समाजबादी पार्टी छन् । हिजोदेखि शुरु भएको धर्ना कार्यक्रममा नेपाली काग्रेस, नेपाल कम्युनिष्ट पार्टी, जनता समाजबादी पार्टी र राप्रपा थिए ।
स्थानीय निकायमा भ्रष्टाचार बढ्दै गए पछि त्यहाँ जन असन्तोष र बिरोध पनि बढ्दै गएको छ । बेलका नगरपालिकाकी उपमेयर राजकुमारी चौधरीले नै त्यहाँ भ्रष्टाचार भइरहेको र त्यस बिरुद्ध कुरा उठाउँदा पनि कुनै सुनवाई नभएको भनेर फेसबुकमा स्टाटस लेखेकी थिइन । तर पछि त्यसबाट उनले मेयरले बिषयलाई सम्बोधन गरेको भनेर कुरा छलेकी थिइन् । तर यसबारे बास्तविकता के हो सार्वजनिक गरिनु पर्ने र भ्रष्टाचार रोकिनु पर्ने बिरोधमा उत्रेका दलहरुले जोड दिइरहेका छन् ।
तपाईको प्रतिक्रिया