जनकपुर-ढल्केवर सडकखण्डमा मोटरसाइकल दुर्घटना, एक जनाको मृत्यु

जनकपुर । जनकपुर-ढल्केवर सडकखण्डमा मोटरसाइकल दुर्घटनामा एकको मृत्यु भएको छ ।

जनकपुरधाम उपमहानगरपालिका १४ मुजेलियामा मोटरसाइकल दुर्घटनामा मोटरसाइकल चालक अशोक यादवको मृत्यु भएको हो ।

मंगलबार राति महेन्द्रनगरबाट जनकपुरतर्फ आइरहेको लु ५६ प ५७ नम्बरको मोटरसाइकल अनियन्त्रित भई विपरित दिसाबाट गइरहेको लु ६१ प ७७६८ नम्बरको मोटरसाइकलमा ठक्कर दिदा दुर्घटना भएको भएको जिल्ला प्रहरी कार्यालय धनुषाका प्रवक्ता प्रहरी उपरीक्षक मकेन्द्रकुमार मिश्रले जानकारी दिए ।

जनकपुर उपमहानगरपालिका वडा नम्बर १ बस्ने यादवलाई उपचारको लागि अस्पताल लैजाँदै गर्दा बाटोमै उनको मृत्यु भएको उनले बताए ।