-सहबान अन्सारी
नवलपरासी । नवलपरासीको सीमा क्षेत्रको बिभिन्न स्थानबाट करिब १ लाख ४३ हजार ४ सय मूल्य बराबरको अवैध मालसमान प्रहरीले नियन्त्रणमा लिएको छ ।
आईतवार पाल्हिनन्दन गाउँपालिका वडा नं. २ गोपालपुरमा भारतबाट अवैध रुपमा ल्याउदै गरेको करिब ३२ हजार मुल्य बराबरको (हाईमेटिक) नामक किटनासक बिषादी छर्ने ईलेक्ट्रानिक मेसिन ईलाका प्रहरी कार्यालयअमानीगंजले नियन्त्रणमा लिएको हो ।
त्यसैगरी सोही गाउँपालिका वडा नं.१ भट्ठीटोलमा नेपालबाट भारततर्फ अबैधरुपमा लैजादै गरेको ७० हजार बराबरको १४ बोरा छोडा सिमा प्रहरी चौकी महेशपुरले नियन्त्रणमा लिएको हो ।
त्यस्तै प्रतापपुर गाउँपालिका वडा नं. ५ बसहियामा नेपालबाट भारततर्फ लैजादै गरेको ६ हजार ४ सय मुल्य बराबरको ४ बोरा मटर (केराउ) सहित यु पी ५६ यच २२७६ नम्बरको मोटरसाईकल र मोटरसाईकल चालक समेतलाई प्रहरी चौकी बसहियाले नियन्त्रणमा लिएको हो ।
बरामद गरिएको सामान मानिसहरुले साईकल,मोटरसाईकलमा राखी लैजादै गर्दा तथा ल्याउदै गर्दा प्रहरी टोलीलाई देखेपछि उनीहरु उक्त सामानहरु फाली भागेका थिए ।
नियन्त्रणमा लिइएको सबै सामान आवश्यक कारवाहीको लागि महेशपुर भन्सार कार्यालय पठाइएको जिल्ला प्रहरी कार्यालय नवलपरासीले जनाएको छ ।
तपाईको प्रतिक्रिया