सरकारले महिलाहरू केन्द्रित राहत प्याकेज ल्याउन जरुरी छ : सांसद मञ्जु यादव

महोत्तरी । प्रदेश संसद तथा नेकपाकी  नेता मञ्जु यादवले पूरै देश महामारीको चपेटामा रहेको , त्यसमा पनि महिलाहरू महामारीको चपेटमा परेकोप्रति दुख प्रकट गर्नुभएको छ ।

नेता यादवले देशको आधा जनशक्ति महिलाहरूको रहेको र उनीहरू कोरोना महामारीका जोखिमसँग सर्घष गरिरहेको जनाउनुभयो ।

अझैे कोरोनाले भन्दा पनि गरीबीको कारण बढी महिलाहरू प्रभावित रहेको उहाँको भनाइ छ। पाँच महिना हुन लाग्यो बन्दाबन्दीले महिलाहरूद्वारा संचालित सबै साना, घरेलु व्यवसाय बन्द भएका छन्। आयआर्जन नहुँदा महिलाहरूको दिनचर्या झन्झन् कठिन कष्टकर हुँदै गएको उहाँले दुख प्रकट गर्नुभएको हो ।

चिया बेचेर, मकै पोलेर, तरकारी बेचेर, कपडा सिलाउने, दूध बेच्ने आदि क्षेत्रमा कार्यरत महिलाहरूको रोजगारी गुमेको छ। त्यसैले तीनैै तहको सरकारले अविलम्ब आर्थिक प्याकेज ल्याएर विपन्न, एकल, रोजगार गुमेको महिलाहरू केन्द्रित राहत प्याकेज ल्याउन जरुरी रहेको उहाले बताउनुभयो ।

‘धनी र गरीब बीचको खाडल कम गर्न पनि निम्न र मध्यमवर्गलाई लक्षित गरेर तीनै तहको सरकारले योजना बनाउन यादवकाे भनाइ छ।