जनकपुरमा मोटरसाइल दुर्घटना हुँदा एक युवकको मृत्यु

जनकपुर । जनकपुरमा मोटरसाइल दुर्घटनामा एक युवकको मृत्यु भएको छ ।

जनकपुरधाम उपमहानगरपालिका वडा नं. २२ कुर्था र पिडारीचोकको बीचमा बुधवार दिउँसो मोटरसाईकल र पिकअप भ्यान एक आसपमा ठोक्किदाँ एक युवकको मृत्यु र एकजना घाइते भएको प्रहरीले जनाएको छ ।

मृत्यू हुनेमा धनुषाको मिथिला बिहारी नगरपालिका वडा नं. ४ बस्ने अन्दाजी बर्ष २८ का कलाम नदाफ रहेका छन् । ज १ च २३१८ नम्बरको पिकअप र प्रदेश २–०३–००१ २२७५ नम्बरको मोटसाईकल ठोक्किएर दुर्घटना भएको प्रहरीले जनाएको छ ।

दुर्घटनामा गम्भीर घाइते भएका नदाफलाई उपचारका लागि प्रादेशिक अस्पताल जनकपुर लैजाँदैगर्दा बाटोमै मृत्यू भएको जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रले जानकारी दिए ।

दुर्घटनामा परि मोटरसाईकलको पछाडी बसेका जनकपुरधाम उपमहानगरपालिका वडा नं. ५ का २८ वर्षीय अजाबुल मन्सुर राईनको दाहिने खुट्टा भाँचिएको छ ।

घाईते मन्सुरलाई उपचारका लागि प्रादेशिक अस्पतालमा पठाइएको र मोटरसाइकललाई ठक्कर दिई फरार भएका पिकअपका चालकको खोजी तिव्र पारिएको उनले बताए ।