भारतसंग जोडिएका सिमा तथा बिओपीहरुकोे गणपति एसपी बमद्वारा स्थलगत अनुगमन

दार्चुला । सशस्त्र प्रहरी बल नेपाल नम्बर ४४ गण हेडक्वाटर दार्चुलाका गणपति नरेन्द्र बमले भारतसंग जोडिएका नेपालका सिमा तथा बिओपीहरुकोे अनुगमन गर्नु भएको छ ।

गणपति बमले मालिकार्जुन गाउँपालिकाको जौलजिवी र लेकम गाउँपालिकाको लालीमा स्थापना गरिएका सशस्त्र प्रहरी बलका बिओपी तथा सिमाको स्थलगत अनुगमन निरिक्षण गर्नु भएको छ ।

सिमा तथा बिओपीको स्थलगत अनुगमन निरक्षण गरेर खलंगा फर्किनु भएका गणपति बमले सिमाको शान्ति सुरक्षा तथा बिओपीहरुको अवस्था सामान्य रहेको बताउनुभयो ।

बिओपीमा सुरक्षार्थ खटिएका सशस्त्र प्रहरीहरुलाई भवन अभावमा बस्न केहि समस्या भएपनि अन्य समस्या नभएको पाइएको उहाँको भनाई छ । लाली र जौलजिवीमा केहि समय पछि बिओपीको आफ्नै भवन निर्माण हुने उहाँले जानकारी दिनुभयो ।

आफ्नै भवन निर्माण पछि सशस्त्र प्रहरीलाई सिमा रक्षाका साथै दैनिक कार्य सम्पादन गर्न सजिलो हुने उहाँले विस्वास व्यक्त गर्नु भयो ।

अनुगमनमा रहेको गणपति बम संग लालीका स्थानियले दैनिक उपभोग्य सामान ढृुवानी तथा आपुर्तीमा समस्या भएको गुनासो गरेका छन् ।

कोरोना भाईरसका कारण नेपालको जौलजिवी र लाली क्षेत्रमा रहेका झोलुंगे पुलहरु बन्द अवस्थामा रहदा भारतबाट स्थानियले खरिद गर्दै आएको दैनिक उपभोग्य समान नेपाल भित्रिन नपाउदा तथा नेपालबाट बाटो नभएका कारण केहि खाद्यान्न अभाव हुने अवस्थाको सिर्जना हुन सक्ने त्याहाका स्थानियले बताएका छन् ।

सशस्त्र प्रहरीको बिओपी संगै प्रहरी चौकी र ईलाका प्रहरी चौकीको समेत अनुगमन निरिक्षण गरिएको छ ।

अनुगमन टोलीमा सशस्त्र प्रहरी बल नेपाल नम्बर ४४ गण हेडक्वाटर दार्चुलाका गणपति नरेन्द्र बम र प्रहरी नायव उपरिक्षक पदम बहादुर बिष्ट रहनु भएको थियो ।