-सहबान अन्सारी
नवलपरासी / जिल्ला प्रशासन कार्यालय नवलपरासीले जिल्लामा साउन ३२ गते देखी जारी निषेधाज्ञा हटाउने निर्णय गरेको छ ।
सोमवार भर्चुअल बैठकमा बसेको सहभागी स्थानिय पालिका प्रमुखको राय अनुसार बैठकबाट निषेधाज्ञा हटाइए पनि केही क्रियाकलापमा रोक लगाएको प्रमुख जिल्ला अधिकारी सागर मणि पाठकले जानकारी दिए ।
यसअघि जिल्लाको ७ वटै स्थानीय तहमा जारी गरिएको निषेधाज्ञा सोमवार राती सकिए पनि जिल्लामा कोरोना संक्रमितको संख्या बढ्दै गएपछि र यसको जोखिम न्यूनिकरण र रोकथामको लागि निषेधाज्ञा अवधिभर जनसम्पर्क हुने कार्यालय / निकाय,बैंक,वित्तिय संथाहरुले अत्यावश्यक सेवाहरु न्युनतम जनशक्ति परिचालन गरी स्वास्थ्य सुरक्षा मापदण्ड पुर्णरुपमा पालना गरी सेवा प्रवाह गर्ने साथै सामुहिक जमघट, भेला गोष्ठी सेमिनार र अनावश्यक रुपमा हिलडुल गर्न नपाइने यात्रु वाहक सार्वजनिक सवारी साधनहरु संचालन नगर्न साथै निजी सवारी साधन अत्यावश्यक काम बाहेक अन्य काममा प्रयोग नगर्ने र यो निषेध भदौ २० गते सम्मको लागी लागु हुने पाठकले बताए।
तपाईको प्रतिक्रिया