मालिकार्जुनका पहिरो पीडितलाई राहत वितरण

दार्चुला । मालिकार्जुनका पहिरो पीडित २१ घरपरिवारलाई राहत वितरण गरिएको छ ।

गाउँपालिकाका विभिन्न ठाउँका बाढी पहिरोबाट विस्थापित २१ परिवारलाई गाउँपालिकाको समन्वय तथा नेपाल रेडक्रस सोसाइटी दार्चुला शाखाको सहयोगमा राहत वितरण गरिएको हो । राहत सामाग्रीमा प्रत्येक परिवारलाई १५ मिटर कपडा, एक थान त्रिपाल, एक सेट भाडाकुँडा र एउटा बाल्टीन वितरण गरिएको नेपाल रेडक्रस सोसाइटी दार्चुला शाखाका मन्त्री दिपक प्रसाद अवस्थीले जानकारी दिए  ।

आइतवार मात्रै रेडक्रसले गाउँपालिकाको वडा नम्बर ६ र ७ का १० परिवारलाई राहत वितरण गरेको थियो ।

राहत वितरण कार्यक्रममा मालिकार्जुन गाउँपालिका अध्यक्ष नरेन्द्र सिंह धामी, उपाध्यक्ष पुष्पा अवस्थी, वडा नम्बर ८ का वडाअध्यक्ष प्रेमराज पन्त, रेडक्रस दार्चुलाका सभापती गोपाल सिह महरा, मन्त्री दिपक प्रसाद अवस्थी, रेडक्रस मालिकार्जुन उपशाखा प्रमुख प्रेम सिंह धामी, शंकरपुर उपशाखा प्रमुख उमेश सिंह धामी लगायतको सहभागिता रहेको थियो ।