जनकपुरधाम । जनकपुरधाम उपमहानगरपालिका ३ स्थित विश्व प्रसिद्ध जानकी मन्दिरको फुलबारीको पर्खाल डोजरले भत्काइएको छ ।
सडक विस्तारको क्रममा जग्गा अतिक्रमण गरी फुलबारीको पर्खाल निर्माण गरिएको भन्दै आईतवार साँझ डोजरले भत्काइएको छ । केहि निजी घर बचाउन जानकी मन्दिर अगाडीको फुलबारीको जग्गा अतिक्रमण गरेको भन्दै विगत लामो समयदेखि विवाद चल्दै आएको थियो ।
जनकपुरधाम उपमहानगर ३ का वडाध्यक्ष दीपेन्द्र साहले अतिक्रमणमुक्त गर्नकै लागि फुलबारीको पर्खाल भत्काएको दावी गरेका छन् । उनले ८५ लाख रुपैयाको चलखेल गरी निजी घर बचाउन फुलवारीको जग्गा अतिक्रमण गरेको दावी गर्दै आएका थिए ।
मन्दिरको सिट नम्बर १३५५/२४ को कित्ता नम्बर ८ को साविक क्षेत्रफल ३ कठ्ठा १० धुर रहेको छ । जसमध्ये केहि जग्गा अतिक्रमण भएको दावी गरिदै आएको छ ।
तपाईको प्रतिक्रिया