प्रहरी कार्यालय दार्चुलाका डिएसपी पदमबहादुर विष्ट मानपदवीसेवाबाट विभुषित

दार्चुला । सरकारले दार्चुला प्रहरी जिल्ला प्रहरी कार्यालय दार्चुलामा कार्यरत प्रहरी नायव उपरीक्षक डिएसपी पदमबहादुर विष्टलाई विभूषित गरिएको छ ।

सरकारले यसवर्ष ५ सय ९४ जनालाई मानपदवी, अलङ्कार र पदकद्वारा विभूषित गर्ने घोषणा गरेको छ ।

मन्त्रिपरिषद्को सिफारिसमा राष्ट्रपति विद्यादेवी भण्डारीले संविधान दिवसको अवसरमा विभिन्न क्षेत्रमा सक्रिय व्यक्तिलाई विभूषण दिने निर्णय गरेका हुन् ।

सो निर्णयअनुसार जिल्ला प्रहरी कार्यालय दार्चुलामा कार्यरत प्रहरी नायव उपरीक्षक डिएसपी पदमबहादुर विष्टलाई पनि विभूषण गरिने उल्लेख छ । उहाँलाई प्रबल जनसेवा चतुर्थ मानपदवीसेवाबाट विभुषित गरिएको हो ।

संविधान दिवसको अवसरमा  राष्ट्रको गौरव बढाउन, उन्नति र कीर्तिमानी राख्न विभिन्न क्षेत्रबाट महत्वपूर्ण योगदान पुर्याउनेहरुलाई  सम्मान गर्दै आएको छ ।