मिति २०७७ श्रावण १० गतेका दिन जुमको माध्यमबाट राष्ट्रिय अपाङ्ग महासंघ-नेपाल बागमती प्रदेशले लकडाउनको समयमा अपाङ्गता भएको व्यक्तिहरुको जीवन रक्षाको निम्ति विभिन्न सरकारी तथा गैरसरकारी निकायमा पैरवी र वकालत कार्यक्रम सम्पन्न भई कार्यक्रमको प्रतिवेदन संस्थाका कार्यक्रम अधिकृत्त सीता मल्ल द्वारा प्रस्तुत गरी सार्वजिनिक गरिएको छ ।
हाल विश्वमा महामारीको रुपमा फैलिएको कोरोना भाईरस(कोभिड-१९) करणले प्रत्यक्ष रुपमा एकै थलोमा बसी अपाङ्गता अधिकारको पैरवी गर्न नसकिएको समयमा पनि आधुनिक सञ्चार प्रविधिलाई प्रयोग गरी अनलाइन भर्चुअलको माध्यमबाट विभिन्न कार्यक्रमहरु सञ्चालन गरिएको थियो ।अपाङ्गता भएको व्यक्तिहरुको हक अधिकार सुनिश्चित गर्दै आत्मसम्मानको साथ सहज वातावरणमा जीवन बाँच्नको लागि पैरवी गर्नुको साथै कोरोना भाईरस (कोभिड -१९) को महामारीको अवस्थामा अपाङ्गता भएको व्यक्तिहरुको जीवन रक्षाको निम्ति प्रदेश सरकार, स्थानीय तहका जनप्रतिनिधिहरु र अन्य सरोकारवालाहरुलाई नै जिम्मेवार बोध गराउने उद्धेश्यले राष्ट्रिय अपाङ्ग महासंघ-नेपाल बागमती प्रदेशको आयोजना, अपाङ्ग स्वाबलम्वन जीवन पद्धति काठमाण्डौ र एभिलिटि मञ्चको प्राविधिक सहयोगमा भर्चुअलको माध्यमवाट पैरवी कार्यक्रम सञ्चालन गरेको थियो ।
यस कार्यक्रममा नेपाल सरकारको तीन तहको आर्थिक वर्ष २०७७ ।७८ को नीति तथा कार्यक्रमहरुमा अपाङ्गता भएको व्यक्तिहरुको सवाललाई समावेश भएको र कोभिड-१९ जस्तो महामारीको समयमा अपाङ्गता भएको व्यक्तिहरुको सहज जीवनयापनको लागि तीनै तहका सरकारले विविध कार्यक्रमहरु सञ्चालन गर्न पैरवी गर्ने अपेक्षा सहित यी कार्यक्रम सञ्चालन गरेको थियो ।
कार्यक्रममा कुष्ठ रोग नियन्त्रण तथा अपाङ्गता व्यवस्थापन महाशाखा प्रमुख डा. माधव लम्साल र वरिष्ठ चिकित्सा अधिकारी डा. उत्तम घिमिरे ज्युले दैनिक प्रतिवेदन मिडिया बिर्फिङमा सांकेतिक भाषाको साथ साथै क्याप्सनरको व्यवस्था गर्ने । हेमोफिलिया भएका व्यक्तिहरुको औषधी खरिदको लागि बजेट व्यवस्था साथै अत्यवश्यक औषधि नेपाल ल्याउनको लागि सहजिकरण गर्ने । स्वास्थ्य सामाग्रीहरु अभाव रहेको खण्डमा अन्य संघ संस्थाहरु संग समन्वय गरी वितरण गर्ने र क्वारेनटाइन व्यावस्थापन साथै आईसुलेशन वेड अपाङ्गता मैत्री बनाउन सहजिकरण गर्ने प्रतिबद्धता गर्नु भएको थियो ।
कार्यक्रममा विभिन्न विषयगतका २१ जना व्यक्तित्वले सहजिकरण गर्नु भएको थियो भने नियमित रुपमा अपाङ्गता क्षेत्रमा काम गर्ने संघ -संस्थाका प्रतिनिधि, राजनैतिक दलका प्रतिनिधि,अपाङ्गता भएको व्यक्ति लगायत अन्य सरकारी तथा गैर सरकारी निकायको प्रतिनिधिहरुको सहभागिता रहेको थियो ।पैरवी कार्यक्रममा सघिय सरकार प्रदेश सरकार स्थानीय तह राजनैतिक दल र विभिन्न सरोकारवालाहरुलाई वक्ताको रुपमा आमन्त्रित गरी अपाङ्गता क्षेत्रमा काम गर्ने संस्थाको प्रतिनिधिमा अपाङ्गता भएका व्यक्तिहरुको अधिकार सुनिश्चत र यस कोरोना भाईरस कोभिड-१९ को महामारीमा विशेष त अपाङ्गता भएको व्यक्तिहरुलाई अझ जोखिममा पर्ने हुनाले उनिहरु सुरक्षाको लागि यस प्रदेशले पैरवी अन्तकृयात्मक कार्यक्रम संचालन गरिएको हो ।
भर्चुअलको माध्यमबाट पनि हरेक हप्ताको २ पटक विशेष व्यक्तिहरुलाई आमन्त्रित गरी अपाङ्गता सवालहरुलाई सम्वोधन गर्न लागएको थियो।साथै महासंघको पैरवी समितिबाट गरिएको स्थानिय तहमा गरिएको पैरवीले आज हरेक पालिकाहरुबाट राष्ट्रिय अपाङ्ग महासंघ-नेपाल बागमति प्रदेशलाई समन्वय सञ्चारको सम्बन्ध बलियो हुदै गएको छ । भर्चुअलको माध्यमबाट सञ्चालन गरेको पहिलो चरणको पैरवी तथा अभिमुखिकरण कार्यक्रमहरु २०७७ असार २४ गते सदस्य संस्थाको प्रतिनिधिहरुको सहभागितामा आगामि दिनहरु महासंघले कसरी पैरवी तथा अभिमुखिकरण कार्यक्रम सञ्चालन गर्ने विषयमा टिपोट महासंघले लकडाउन अवधि भर गरेको कार्यक्रममको समिक्षा सहित समापन भएको थियो ।
यति पैरवी गर्दा गर्दै पनि प्रदेश सरकार स्थानित तहहरुमा अपाङ्गता भएको व्यक्तिहरुको सवालहरु भौतिक शरिरिर नपुग्दा इमेल अन्य भर्चुअलको माध्यमबाट गरिएको पैरवी प्रभावकारी नहुनाले स्थानिय तहमा अपाङ्गता सवालहरु बार्षिक योजना नछुट्याउनु जस्ता चुनौतीहरु पनि रहेको छ ।
तपाईको प्रतिक्रिया