अर्घाखाँची। अर्घाखाँचीमा भालुको आक्रमणबाट एकजनाको मृत्यु भएको छ । मृत्यु हुनेमा शितगंगा नगरपालिका वडा नं. २ सितापुरका ७९ वर्षका रामबहादुर भाट क्षेत्री हुन् । घरबाट झिरा भन्ने स्थानमा जाँदै गर्दा शितगंगा– २ ओखारी भन्ने ठाउँमा भालुले आक्रमण गरेर बृद्धको मृत्यु भएको वडा अध्यक्ष रामबहादुर क्षेत्रीले जानकारी दिए ।
जनप्रतिनिधि, इलाका प्रहरी कार्यालय ठाडाको प्रहरी टोली पुग्दा भालु घटनास्थलमै रहेको र धेरै मानिसहरु देखेपछि भागेको वडाध्यक्ष क्षेत्रीले बताए । जंगल नजिकैको बस्ती भएकाले सीतापुरका बासिन्दामा भालुको आक्रमणको त्रास रहेको उनले बताए ।
तपाईको प्रतिक्रिया