सुदूरपश्चिमका मुख्यमन्त्री शाहले कार्यविधिको धज्जी उडाउँदै धमाधम कर्मचारीको सरुवा गर्दै

धनगढी, ५ चैत्र
सुदूरपश्चिम प्रदेश सरकारका मुख्यमन्त्री कमल बहादुर शाहले कार्यविधि विपरीत कर्मचारीको धमाधम सरुवा गर्न थालेका छन् । सरुवा भएर आएको समयावधी नपुुग्दै धेरै कर्मचारीहरुको सरुवा गरेका हुन ।
राजनैतिक पुर्वाग्रही राख्दै मुख्य मन्त्री शाहले छानी छानी कर्मचारीको सरुवा गरेको आरोप लागेको छ ।
मन्त्री मण्डलको विस्तार नगरेर शाहले विभिन्न मन्त्रालय, निर्देशनालयका कर्मचारीहरुको धमाधम सरुवा गरेर कार्यविधिको धज्जी उडाएका छन् । कांग्रेस निकट मानिने कर्मचारीलाई उनले राम्रो ठाउँमा पठाउने र अन्य विचार राख्ने कर्मचारीलाई अन्यन्त्र सरुवा गरेर दुख दिएको खुलेको छ ।
मुख्य मन्त्री शाहले मन्त्रालयका निमित्त सचिव लगाएतका लाई दवाव श्रृजना गरेर आफू निकट कर्मचारीलाई प्राथिमकतामा राखेर सरुवा गरेको श्रोतले बताएको छ । शाहले माओवादीको भाग पर्ने निश्चीत जस्तै भएको सामाजिक विकास मन्त्रालयका कर्मचारीहरुको सरुवामा चलखेल गरेको मुख्यमन्त्री कार्यालयका एक अधिकृतले बताए ।
शाहले सामाजिक विकास मन्त्रालयका अन्र्तगतका विभिन्न निर्देशनालय र जिल्लाका कार्यालय प्रमुखहरु लाई सरुवा गरेका छन् । सम्बन्धीत मन्त्रालयको मन्त्री नियुक्त गर्न छाडेर शाह कर्मचारीलाई दुख दिने नियतमा लागेको श्रोतको दावि छ । सामाजिक विकास मन्त्रालय अन्य पार्टीलाइ दिनु पर्ने बाध्यता शाहलाई आए पछि आफ्नै सेटीगंका कर्मचारी नियुक्त गर्ने दाउमा शाह छन् ।
श्रोतका अनुसार कांगे्र्र्स नेतृ आरजु राणाका स्वकीय रहीसकेका बर्तमान प्रदेश सरकारका भौतिक पुर्वाधार विकास मन्त्री प्रकाश देउवाको प्रभावमा मुख्य मन्त्री शाह परेको बताइन्छ । उनले माथिको आदेश भएको भन्दै शाहलाई दवाव श्रृजना गरेको श्रोतको दावि छ । भौतिक पुर्वाधार विकास मन्त्री नेपाली कांग्रेसका पार्टी सभापती शेर बहादुर देउवाका भतिजा समेत हुन ।
प्रदेश सकरारको कर्मचारी सरुवा सम्बन्धी कार्यविधिमा आर्थिक बर्षको अन्त्यमा मन्त्रालयको प्रस्तावमा मुख्यमन्त्री कार्यालयको सहमतीमा सरुवा गर्ने व्यवस्था गरीएको छ । शाहले आफ्नो गुट नमिल्ने आफ्नै पार्टी निकट केही कर्मचारीको समेत सरुवा गरेका छन् । राष्टपतीको निर्वाचनको आचारसंहीता रहेकै बेला कर्मचारी सरुवा गरेकाले उनको आलोचना समेत सुरु भएको छ ।