राजनैतिक प्रतिसोध कारण थलारा बहुमुखी क्याम्पस सुदूरपश्चिम विश्व विद्यालयको आंगीक क्याम्पस हुन बाट रोकीयो

धनगढी, २७ चैत्र
बझाङको थलारा बहुमुखी क्याम्पस सुदूरपश्चिम विश्व विद्यालयको आंगीक क्याम्पस हुन बाट रोकीएको छ । विश्व विद्यालयको कार्यकारी परिषदको बैठकले राजनिति प्रतिसोधको आधारमा आंगीक क्याम्सको सम्बन्धन दिन रोकेको आरोप लागेको छ ।
आईतबार महेन्द्रनगर स्थित विश्व विद्यालयको केन्द्रीय कार्यालयमा नेपाल सरकारका प्रधानमन्त्री(कुलपती) पुष्पकमल दाहल प्रचण्डको अध्यक्षतामा बसेको परिषदको बैठकले मापदण्ड नपुगेका क्याम्सलाई सम्बन्धन दिएको र मापदण्ड पुगेको क्याम्पसलाई सम्बन्धन दिन बाट रोकीए पछि प्रधानमन्त्रीको आलोचना समेत भएको छ ।
बझाङ जिल्लाकै मापदण्ड नपुगेका केही क्याम्पसले राजनीतिको आडमा सम्बन्ध पाएको भन्दै थलाराका जनता आक्रोसीत भएका छन् । थलारा क्याम्पस सञ्चालक समितिका अध्यक्ष कृष्ण रोकायाले माओवादी निकटका केही व्यक्तिहरुको प्रभावमा विश्व विद्यालय परिषद समिति परेको आरोप लगाए । रोकायाले भने –‘प्रधानमन्त्रीलाई भेट्न काठमान्डौं पुगीयो, भेट गर्नै दिइएन, । ’ प्रधानमन्त्री भेट्न खोज्दा सचिवालयले कुन पार्टीको हो भन्दै प्रश्न गरे ’। ‘ हाम्रो क्याम्पस सबै हिसावले मापदण्ड पुगेको छ । हामीलाई राजनैतिक प्रतिसोध साध्ने काम भएको छ ।, रोकायले भने–२०७२ सालमा आंगिक क्यासको सम्बन्धनका लागि फाईल पेश गरेका थियौं । हाम्रो क्याम्पस भन्दा धेरै पछि फाईल पेश भएका क्याम्पसहरुले सम्बन्धन पाए । हामीलाई दिइएन । हाम्रो पालिका जिल्लाको भौगिक दृष्ट्रिकोणले पछि परेको छ, अन्य ठाउँ उच्च शिक्षा हसिल गर्न जान पनि यहाँका विद्यार्थिहरु लाई समस्या छ । गरिबहरुका बच्चाहरुले निशुल्क र गुणस्तरीय शिक्षा पाउनु पर्छ भन्ने हाम्रो कुरा हो । तर परिषद पुर्वाग्रही बन्यो ।
बझाङका सुनकुडा क्याम्पस र बझाङ दिप क्याम्पसले सुदूरपश्चिम विश्व विद्यालयको आंगीक क्याम्पसको रुपमा सम्बन्धन प्राप्त भएको छ । यस्तै अन्य जिल्लाका ३ वटा गरी जम्मा ५ वटा क्याम्पसलाई सम्बन्धन दिइएको छ ।