जीवन रक्षालाई महत्त्व दिएर तीज मनाउन प्रधानमन्त्री ओलीको आग्रह

काठमाडौं ।   प्रधानमन्त्री केपी शर्मा ओलीले विज्ञहरुको सल्लाह र सरकारको निर्देशन अनुरुप जीवन रक्षालाई महत्व दिएर तीज मनाउन आग्रह गर्नुभएको छ ।

यस वर्षको तीजको अवसरमा शुभकामना दिदै कोरोना महामारीले सिर्जना गरेको कष्टकर परिस्थितिका बीच मनाउनु परेको उल्लेख गर्दै प्रधानमन्त्री ओलीले कोरोनाबाट बचेर तीज मनाउन आग्रह गर्नुभएको हो ।

प्रधानमन्त्री ओलीले विगतमा जस्तो भेटघाट, नाचगान, रमझम र उल्लासको अवस्था अहिले नरहेको पनि ट्विटमार्फत उल्लेख गरेका छन्।

‘महामारीले सिर्जना गरेको सीमाभित्र रहेर तीज पर्व मनाउन र आआफ्नो जीवन रक्षालाई उच्च महत्त्व दिन म सबैमा विशेष अनुरोध गर्दछु’, प्रधानमन्त्रीले भनेका छन्, ‘तीजको हार्दिक शुभकामना !’

 `तीज पर्व मनाउन र आआफ्नाे जीवन रक्षालाई उच्च महत्त्व दिन म सबैमा विशेष अनुराेध गर्दछु । तीजको हार्दिक शुभकामना !´