खाइलाग्दा मोडेलहरुको पनि दिन आए

पंकज

फ्रान्समा एकदमै दुब्लो फेसन मोडलहरूमाथि प्रतिबन्ध लगाउने कानुन पारित गरिसकेको छ । र, उक्त कानून उल्लंघन गर्नेलाई बढीमा ७५ हजार युरोसम्मको जरिवाना र बढीमा ६ महिनासम्म जेल सजाय हुनसक्ने प्रावधान समेत रहेको छ ! आफ्नो स्वास्थमा नै प्रतिकूल हुनेगरी अर्थात् नराम्ररी असरपार्ने गरि दुब्लो बनाउने होडमा लागेर पछिपछि भोक नलाग्ने विमारी अर्थात् एनोरेक्सिया रोगबाट ग्रसित हुने भएकोले अकालमा ज्यान समेत जानसक्ने खतरा बढेको कारणले नै यस्तो कानुन पारित गर्नुपरेको हो । फ्रान्समा मात्रै यश रोगबाट पीडित ३० हजार देखि ४० हजार मानिसहरु मध्ये पनि ९० प्रतिशत महिला रहेका छन् भन्ने तथ्यांकले बताउँछ । कम तौल भएका मोडललाई नियमन गर्ने फ्रान्स पहिलो देश भने होइन। यसअघि नै इटली, स्पेन र इजरेलले यसबारे कानून ल्याइसकेका छन्। मैले भनेको कुरा नपत्याउनु भएझैँ लाग्यो बहिनीहरूले ! ल हेर्नुस् अहिलेका प्लस साइजका एक से एक मोडलहरू ! खासमा जे पनि अभ्यस्तताका कुराहरू हुन् सबै ! जसरी लोग्नेमानिसका दाह्री जुँगा देख्न अभ्यस्त छौँ हामी र जतिसुकै बाक्लो दाह्री जुँगा भए तापनि केही नराम्रो लाग्दैन तर त्यही दाह्री जुँगा महिलाको अनुहारमा होस् त ? कस्तो देखिएला ? कल्पना मात्रै गर्नुस् त ! अब मोटाघाटा खाइलाग्दा मोडलहरूलाई हेर्न अभ्यस्त भयौं भने अहिले दुब्लो देख्दा अत्यन्तै सुन्दर मानेझैँ बिस्तारै उतिकै सुन्दर लाग्नेछन् ।