दीपक रावल,
कोहलपुर, साउन १५,
कोहलपुर बृहत शहरी खानेपानी उपभोक्ता संस्थाको नवनिर्वाचित कार्यसमितिको पदभार तथा सपथग्रहण कार्यक्रम सम्पन्न भएको छ ।
नवनिर्वाचित अध्यक्ष टेक नारायण भुसालको अध्यक्षतामा भएको पदभार तथा सपथ ग्रहण कार्यक्रममा कोहलपुर नगरपालिकाका प्रमुख प्रशासकीय अधिकृत तथा निर्वाचन अधिकृत टिकाराम ढकालले सपथ ग्रहण गराएका थिए । उनले आफ्नो पद तथा गोपनियताको सपथ ग्रहण गराउँदैं संस्थाप्रति उत्तरदायी, ईमानदार जिम्मेवार तथा कर्तव्यनिष्ठ भएका काम गर्नेछु भन्दै सपथ ग्रहण गराएका हुन् ।
१२ गते सम्पन्न निर्वाचनमा अध्यक्ष पदमा निकटतम प्रतिद्धन्द्धीलाई १९७ मतले पछि पार्दै लोकतान्त्रीक प्यानलका टेकनारायण भुषाल विजयी भएका थिए । उपाध्यक्षमा बिर बहादुर विष्ठ ११४१, सचिवमा गोविन्द वाग्ले २०५६. कोपाध्यक्षमा धुर्व आचार्य ११४३, सहसचिवमा बालकुमारी सापकोटा ११३४ र सहकोषाध्यक्षमा ईश्वर प्रसाद शर्मा १९६५ मतकासाथ विजयी भएका थिए ।
सदस्यहरुमा झग्गु प्रसाद वलीले ९९२, चक्रदिप शाहले ९९६, आशा घर्ति मगरले ९९४ तथा महिला सदस्यमा दिपा कुमारी बस्नेतले १११६२ टिकादेवी सुनारले १०५२ मत प्राप्त गर्दै विजयी भएका थिए । सपथपछि निर्वतमान अध्यक्ष नर वहादुर मल्लले नवनिर्वाचित अध्यक्ष भुषाललाई पद समेत हस्तान्तरण गरेका छन् । मल्लले कार्यालयको माइन्युट सहितका कागजात हस्तान्तरण गर्दै आफनो पदभार सुम्पिएका हुन । कार्यक्रममा बोल्दै कोहलपुर नगरपालिकाका प्रमुख पूर्ण प्रसाद आचार्यले तोकिएको जिम्मेवारी इमान्दारी र निष्ठापूर्वक सम्पादन गर्ने विश्वास दिलाएका छन् । कार्यक्रममा बोल्दै नवनिर्वाचित अध्यक्ष भुसालले नतिजामुखी कार्यसम्पादन गर्न सबैको सहयोग आवश्यक रहेको कुरा बताए ।
सपथ तथा पदभार ग्रहण कार्यक्रममा नवनिर्वाचित पदाधिकारीहरुलाई नगर प्रमुख पुर्ण प्रसाद आचार्य, नेपाली काङग्रेसका जिल्ला सभापति नारायण गौडेल, नेकपा एमालेका नगर अध्यक्ष नम प्रसाद शर्मा, नेकपा माओबिदीका नगर अध्यक्ष अवराज खडका र राप्रपाका नगर अध्यक्ष रुद्रमणि न्यौपाने, निवर्तमान अध्यक्ष नर बहादुर मल्लले कोहलपुर खानेपानीमा चुनौतिका पाँच भएको औल्याउदै उपभोक्ताहरुलाई शुद्ध स्वच्छ पानी वितरणमा महत्वपुर्ण भुमिका खेल्न शुभकामना सहित सफल कार्यकालको कामना समेत गरेका थिए ।
तपाईको प्रतिक्रिया