दीपक रावल,
कोहलपुर, साउन २९,
बाँके जिल्ला सवारी दुर्घटनाको जोखिम भएको जिल्ला हो । यहाँ वर्षेनी सवारी दुर्घटना मार्फत धनजनको क्षति हुँदैं आएको छ । सवारी साधनको बढ्दो सङ्ख्यासँगै सवारी दुघर्टनाका घटना पनि बढ्दो छ । सवारी साधनको दुर्घटनाको कारण धेरै मानिसले ज्यान गुमाउनुका साथै कैयौँको अंगभंगसमेत हुने गरेको छ । सबैले सवारी नियमको पालना गरे त्यस्ता दुर्घटना धेरै घटाउन सकिन्छ । यसको न्युनिकरणका लागि जिल्ला ट्राफिक व्यवस्थापनका लागि विगतदेखि नै सक्रिय छ ।
पछिल्लो पाँच महिनाको अवधीमा ट्राफिक व्यवस्थापनमा सुधार आएको जिल्ला ट्राफिक कार्यालय बाँकेको प्रमुख प्रहरी निरीक्षक तिलक सुनारले बताएका छन् । सुनारले आफू आएको ५ महिनाको अवधीमा ट्राफिक व्यवस्थापन र ट्राफिक नियम पालना गराउनुमा सबैभन्दा पहिले आफू सुरक्षित हुँदै उक्त नियम पालना गर्नुपर्ने कुराको सचेतना फैलाउँदैं आएको बताए । उनले एक जना व्यक्तिले मात्र सवारी नियम उल्लङ्घन गरे अन्य व्यक्तिहरुले पनि दुर्घटनाको शिकार बन्ने गरेको बताए । एक जना सवारी चालकले सवारी नियमविपरीत सवारी चलाउँदा अथवा एक जना बटुवाले नियमविपरीत जथाभावी सडक पार गर्दा धेरै निर्दोष मानिस दुर्घटनामा परेका धेरै उदाहरण रहेको उनले बताए ।
। सवारी नियमको सबैले कडाइपूर्वक पालना गर्दा त्यस्ता दुर्घटनाबाट बच्न सकिने सुनारको भनाई छ । पैदलयात्रु र सवारी चालकलाई ट्राफिक नियमसम्बन्धी सचेतना जगाउने, लेन अनुशासन, जेब्राक्रसिङका बारेमा चेतना अभिबृद्धि गरी दुर्घटना न्युनिकरण गर्दै आईरहेको उनले बताए । उनका अनुसार गत आर्थिक वर्ष ०७९/८० मा ४३ हजार ८४० लाई त्रीवर्षिय कारवाही गरिएको छ भने २ करोड, ६१ लाख ९७ हजार राजश्व संकलन भएको छ । यस्तै गत आर्थिक वर्ष ०७९/८० मा ४३ हजार ८४० कारवाही, २ करोड, ६१ लाख ९७ हजार राजश्व संकलन भएको हो ।
यस्तै माधक पदार्थ सेवन अन्तरगत २ हजार ८५५ कारवाही गरिएको थियो भने २८ लाख ५५ हजार राजश्व संकलन भएको छ । गएको फागुनदेखि असारसम्म कोहलपुरमा १४८ वडा सचेतना मुलक कार्यक्रमहरु गरिएका छन् । जसबाट २१ हजार ३५९ जना लाभाम्बित भएका छन् । गत आर्थिक वर्ष ०७९/८० मा गएको साउन देखि असारसम्म १२४ वटा सवारी दुर्घटना भएका छन् । जसमध्ये सबैभन्दा धेरै जनाले ज्यान गुमाएका छन् । जसमा कात्तिक र बैशाखमा सबैभन्दा धेरै दुर्घटना थियो । यि दुई महिनामा १७ वटा सवारी दुर्घटना भएका थिए भने सबैभन्दा कम साउन मा ४ वटा भएका थिए ।
यसै एक वर्षको अवधीमा सवारी दुर्घटना मार्फत ६० जनाले ज्यान गुमाएका सुनारले बताएका छन् । हरेक महिनामा सवारी दुर्घटनाबाट २ देखि ६ जनासम्म ले ज्यान गुमाएको जिल्ला ट्राफिक प्रहरी कार्यालय बाँकेको तथ्याङ्कमा छ । जसमा पुरुष ४५, महिला १०, बालक ३, बालिका २ रहका छन् । गएको चैत्र महिनामा ७ वटा दुर्घटना भए पनि मानवीय क्षति भने भएको छैन । यस्तै गएको आर्थिक वर्षमा सवारी दुर्घटनाबाट ८१ जना गम्भिर घाईते भएका छन् भने ४८ जना सामान्य घाईते भएका थिए । सवारी दुर्घटनाबाट १० छाडा पशुपौपाया मरेका छन् भने २ वटा घाईते भएका थिए ।
तपाईको प्रतिक्रिया